Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Før og no i uskedalen

Eit bilete seier framleis meir enn tusen ord og arkivet til ungdomslaget seier særs mykje om det som var, ikkje minst når ein samanliknar med dagen i dag. Det er det vi gjer i denne spalta. Foto teke frå same staden er særs illustrerande.

 
Klikk på bilete for full storleik
Holmebrua
 
Klikk på bilete for full storleik

* Holmabrua eksisterer ikkje lenger. Den gjekk mellom Neset og Flatholm og Olav Ivar Bringedal tok dette biletet i 1933. Brua vart erstatta av fylling og ny bru i 1988, slik at ein kunne kjøra over til Flatholm med bil. Dama på bilete er truleg Marta Jacobsen.

Jenta på bilete som er teke på samme staden er Karoline Neset. Det som slår ein, er at det var så lite vegetasjon før.

 
Klikk på bilete for full storleik
Sentrum
 
Klikk på bilete for full storleik

* Like etter 1960 var Normann også i Uskedalen og tok dette panoramaet mot sentrum frå Feet. Kyrkja er ikkje ombygd, det skjedde i 1965, I dag har det vorte meir vegetasjon også i dette området.

 
Klikk på bilete for full storleik
Uskedalselva
 

* Normann har også teke biletet av Uskedalselva frå brua, ein gong mellom 1935 og 1945. Holmen i elva, som var eit idyllisk innslag i landskapet, vart fjerna ved elveførbygginga på 1960-talet.

 
Såto
 

* Desse to bileta er teke frå Såta i Englafjell, det eine ein gong i perioden 1915/1925 og det andre i 2006.. Det er å beklage at kvaliteten på det gamle biletet ikkje er betre, men ein kan i det minste sjå dei einskilde gardane.

 
Cruiseskip gjennom Storsundet
 

* Det gjekk turistbåtar gjennom Storsundet før i tida og. I 1939 tok Bjørne Myklebust eit bilete medan ein turistdampar passerte. Den skimtast så vidt foran Skorpo. Det store spørsmålet er om det kanskje var ein spionbåt? Det gjekk mange tyske turistbåtar forbi Uskedalen like før krigen…..

No går det mange cruisebåtar forbi vår bygd til og frå Rosendal og på biletet som vart teke sommaren 2006 passerer ein av dei større.

 
Låvedans
 

*Då dei dansa på Døssland

No blir det dansa på Dønhaug både titt og ofte. Men eigentleg er det ikkje noko nytt at det blir dansa på gardane i bygda sjølv om det gjekk noko enklare føre seg i gamle dagar enn no. Det kan vi dokumentera ved hjelp av eit bilete frå ungdomslaget si fotosamling. Det er teke i 1930 og syner ung og gamal som svingar seg til tonene frå ein skikkeleg tutgrammofon.

Til venstre dansar Marie Haugland med Trygve, så følgjer Borghild og til høgre dansar Johanna Heggland med Knut Døssland.

 
Skårhaug
 

* Det gamle utsynsbiletet frå Skårhaug mot sentrum og Skorpo vart teke omkring 1920. Ein kan sjå at straumen er komen til Uskedalen. Utsynet frå samme staden i 2006 er rett og slett ikkje der. Kan nokon gjera noke med all vegetasjonen?

 
Uskedal Mjølkelag sitt hus
 

* Dette er Uskedal Mjølkelag sitt hus, Dei tok i mot mjølk der i perioden 1927/1931. Det var mjølkeutsal i kjellaren fram til flaskemjølka kom. Huset har vore nytta til ulike føremål, til dømes butikk, lager, skule og bustad. Ei tid var det fryserom med utleige av boksar. Frå 1. januar 1985 har Inger Lise B. Eidsvik hatt bruktbutikk i huset. Det gamle biletet frå ungdomslaget si samling er teke ein gong mellom 1940 og 1950.

 
Ved Kapteinsgarden
 

* Dette biletet er teke ved Kapteinsgarden. Hovudvegen gjekk gjennom gjennom denne bjørkealleen, som strekte seg frå Sjøhaugen til hagahyrna. Kapteinsgarden var ei tid pensjonat og vart då kalla Koren Dahls Pensionat. Den mørkkledde dama på biletet er Brita Døssland fødd Kjærland. Dama i ljos bluse var tenestejenta på pensjonatet. I dag er denne vegen ein idyllisk lokalveg.

 
Sandakaien
 

* Det gamle biletet av Sandakaien vart teke ein gong mellom 1905 og 1915. Jekta som ligg ved kaien vart kalla Sandajekto.

 
Solheim Turiststasjon
 

* Dette er Solheim Turiststasjon før og no. På det gamle biletet, teke mellom 1945 og 1950, ser ein Fridtjof Sunde sin bil. Det var også ei bensinpumpe der den gongen..

No er det Aslaug Lyse (dotter til Fridtjof) som driv Solheim saman med mannen, Henrik Lyse.

 
Bading på Holmen
 

*Sommaren 2006 har vore ein framifrå badesommar og det ynskjer vi å markera med desse to bileta, som er teke tilnærma på samme staden, frå holmen mot Neset. Fotograf var Nordahl og året var 1953 – då var det også godt badever. Biletet er teke to år før trebrua (lengst til høgre) vart erstatta med bru av betongelement. Det store sjøhuset sentralt i biletet er ikke mykje endra på vel 50 år.

 
Fjellandsbøvatnet
 

*I Fjellandsbøvatnet startar Uskedalselva og her har ikkje landskapet endra seg så mykje på 50 år, med unnatak av vegen og vegetasjonen. Biletet er teke av fotograf Nordahl i 1953.

 
vegen til Fjellandsbøvatnet
 

*På 1960-talet vart nyvegen fram til Friheim bygt og dette biletet av gamlevegen vart teke av fotograf Nordahl i 1953.

 
Johanebrekko
 

*Johanebrekko blir kneiken opp til Brekketoppen i sentrum av Uskedalen kalla og vegstandarden i 1953 og 2006 er som natt og dag. Knaika skal vera kalla opp etter ei Johana (eller Johanna?) som budde i eit lite hus til høgre når ein kjører oppover. Dette huset ligg no på andre sida av vegen, inntil Geilo. Også dette biletet er teke av fotograf Nordahl.

 
Fjellandsbøgardane
 

*Ved Fjellandsbøgardane er panoramaet like storslagent i dag som for eit halvsekel sidan, den einaste forskjellen er størrelsen på bjørka til høgre i biletet. Fotograf Nordahl tok det i 1953. Desse gardane låg den gongen i Skånevik kommune!

 
Gamleskulen på Haugland
 

*Haugland skule (Kvinnherad Skulemuseum) hadde ikkje mykje vegetasjon rundt seg då den vart bygt i 1893, men no er den godt skjerma av digre lauvtre og røslege granar. Den var skule for Haugland og Musland krins og vart ramma av sentraliseringsbylgja i 1966. Det gamle biletet heng på skulen, og er nok teke like etter at skulen vart opna.

 
Gjestiveri
 

* K. Nordahl tok mange bilete då han var i Uskedalen og dette biletet frå 1950-åra syner den flotte frukthagen nedanfor Uskedal Gjestgiveri. Der var det både epler, plommer og pærer.

På Brekketoppen ser ein det nye gjestgiveriet. Til høgre for vegen ligg eit hus som ikkje er der lenger. Der budde Fretsy og Bjarne Myklebust, Ho var jordmor og det var og legekontor der.

Biletet frå 2006 er teke frå Stølen.

 
Friheim
 

*På Friheim har mykje skjedd på dei siste 20 åra. No har Bjørg Inga og Kurt Eivind Miljeteig 60 mål dyrka mark, 35 storfe og 60 vinterfora sauer. Heile garden er nybygd og siste byggjesteg er ein 'fabrikk' for produksjon av gardsmat. Samstundes er det gamle eldhuset restaurert.

Det gamle biletet er truleg teke for 60-70 år sidan – det var før vegen kom. Kimen til Friheim vart lagt i 1815, då Johannes Kristoffersson Våge slo seg ned i Elvakrokjen og rydda plass der. Den heldt fram som plass under Fjellandsbø i 100 år. Først frå årsskiftet 1929/1930 vart bruket skilt ut som eigen matrikkelgard og samstundes ført over til Kvinnherad kommune frå Skånevik.

 
 
 
 
 
 
 
 
 
 
 
 
 
  Tilbake

 
Lesarbilete
Notisar
10.04.2021
Innspurt i SPLEISEN til ungdomslaget!
SPLEISEN som styret i Uskedal ungdomslag starta for å skaffa midlar til drift av ungdomshuset Helgheim og hytta Fjelly ved Mannsvatnet har blitt ein suksess.  Siste 10 dagane har det komme inn over 22.000 kr, og resultatet er i skrivande stund på 37.751.  Til saman har 77 givarar bidrege.  Dei fleste er naturleg nok privatpersonar, både bygdefolk og andre, men nokre firma har også i høgste grad bidrege til det solide resultatet med rause gåver.  No er det berre to dagar att, og kanskje er det framleis fleire som vil støtta det gode tiltaket?  Dei som ønskjer det, finn SPLEISEN HER.

tid
10.04.2021
Uskedalsjenter med inspirasjonsfilm til koronatrøtte.
Mange av oss er nok ganske så koronatrøtte, men det gjeld å halda motet oppe. Då kan det vera godt å få nokre tips til motivasjon.  Amalie Hovden Rød og Camilla Ripel Myklebust som går siste året på breiddeidrettsfaget ved KVV har derfor laga ein kjekk inspirasjonsfilm med gode tips til korleis vi kan halda oss i aktivitet.  Eg anbefaler filmen for alle, og dei som er abonnentar på Kvinnheringen.no, kan sjå den ved å klikka HER.

tid
08.04.2021
Covid - 19 melding.
Med bakgrunn i smitte på Peppes Pizza bed kommunelegen deg vera merksam på symtom og dermed testing, dersom du var der laurdag 3. april mellom kl. 12.00 til kl. 17.00.

kb 
07.04.2021
Remi Onarheim - ny leiar i Uskedal Utvikling.
Remi Onarheim er vald til ny leiar i Uskedal Utvikling. Med i styret er: Egil Myhre, Oddbjørn Kroka, Gunn Mari Moberg og Andreas Tarberg. Varamedlemer. Berit H. Døssland, Elisabeth Rosseland og Jan Erik Olsson. Revisorar: Hans Reidar Kjærland og Leon Gundersen. Rekneskapsførar er Alf Hjønnevåg. Han bed om fritak og bed om at styret finn ein ny kandidat i hans plass.

kb
06.04.2021
Årsmøte i Uskedal Utvikling, onsdag 7. april kl. 19.00.
Det er tillyst årsmøte i Uskedal Utvikling i morgon, onsdag 7. april kl. 19.00 i Gamleskulen. Årsmøtesaker: Årsmelding frå styret, Kafe Tiaren og nettsida uskedalen.no, rekneskap, handlingsplan, årspengar 2021 og utleigeprisar og val. Uskedalen.no er klar for overgang til ny plattform.

kb
04.04.2021
Svært mange støttar SPLEISEN til ungdomslaget.
Berre sidan 1.april har det komme inn tett på 11.000 kr til SPLEISEN som ungdomslaget har oppretta til drift av ungdomshuset Helgheim og hytta Fjelly ved Mannsvatnet.  Til no er det komme inn 26.551 kr frå 63 rause givarar og framleis kjem det stadig inn nye gåver.  De kan støtta den gode saka ved å gå inn HER.

tid
03.04.2021
Elins Matglede, Uskedalen, ope i dag kl. 11 - 16.
Elins Matglede er open i dag, påskeafta, frå kl. 11 til 16. Der kan du mellom anna kjøpa god karamell ostekake. Spring og kjøp.

kb
02.04.2021
Stor gåve, målet passert, men framleis kan de støtta SPLEISEN.
Like etter at vi hadde notis om SPLEISEN til Uskedal ungdomslag i går, kom det inn gåver på godt over 4000 kr slik at den var tett på målet på 20.000 kr.  I løpet av natta har den komme så vidt over, og er no på 20.001, men både firma og privatpersonar har framleis mulighet til å støtta SPLEISEN.  Det er 10 dagar att av perioden. Koronatida gjer at det krevst ekstra inntekter til å drifta både ungdomshuset Helgheim og hytta Fjelly ved Mannsvatnet.  SPLEISEN finn de HER.

tid.
01.04.2021
Utvidar tida på korona-telefonen og test-kapasiteten.
Kvinnherad kommune melder at i samband med 2 nye smittetilfelle som vart meldt om  i dag, vert det no utvida telefontid på koronatelefonen (908 60 166) førstkomande lørdag 03. april. Testkapasitet vert også auka. Ny tid vert kl. 08.00 til kl. 11.00.

tid
01.04.2021
Spleisen til Uskedal ungdomslag nærmar seg 16.000.
Styret i Uskedal ungdomslag er svært takknemlege for den overveldande støtta dei opplever etter at dei starta SPLEIS til drift av ungdomshuset Helgheim og ungdomslagshytta Fjelly ved Mannsvatnet.  Til saman har 52 givarar no gitt 15.746 kr. I tillegg kan dei melda om at Gros Blomster har sponsa med vårblomar til utepottene ved Helgheim, og Byggmester Stensletten har sponsa med material til vedlikehaldsprosjekt.  Målet for SPLEISEN er 20.000, og det gjnstår 11 dagar av perioden.  Det burde vera godt håp om å nå målet.  SPLEISEN finn de HER.

tid
Siste Nyhende
10.04.2021
Artikkel om fiskaren Alice Roseth Eik i landsdekkande avis.
Fiskeribladet, som er ei landsdekkande avis med over 22000 lesarar, skriv heile to sider om Alice Roseth Eik (gift Helleberg ) frå Lofotfiske i år. Alice hoppa av frå arbeid i helsesektoren og vart fiskar. Saman med mannen, Kurt Inge, er dei begge på Lofoten i kvart sitt farty. Dei kjem frå Ølberg i Sola kommune. Det er sjette gongen dei er på Lofoten. Uskedalen.no har tidlegare skrive om bestemora, Eli Roseth Eik, som var med som barnevakt for oldebarnet på 19 månader. 
09.04.2021
Vårenes vakraste skieventyr til Ulvanoso i helga.
Den årlege skituren frå Tveitedalen til Ulvanoso går sundag 11. april. Turleiar er Kjell Yri og Jarle Røstbø. Frammøte ved Ternebu kl. 09.30. Turen vert rekna til vanskegraden middels. Det er gode vermeldingar og med nysnø dei siste dagane, kan deltakarane rekna med å få oppleva vårens vakraste skieventyr til toppen på 1246 meter over havet. Denne turen samlar til vanleg deltakarar frå heile Sunnhordland.
09.04.2021
Høyringsuttale 8: Frå Monica Helen og Remi A. Onarheim
Ekteparet Monica Helen og Remi A. Onarheim skriv uttale i saka om oppvekstkår i Kvinnherad. Familien er etablert i byggefeltet Ospelunden der dei har starta arbeidet med bygging av ny einebustad. Remi er nyvald leiar i Uskedal Utvikling. Fråsegna skildrar kvardagen for par som vil bu i Uskedalen. Då er skule- og barnehagetilbodet ofte avgjerande i vurderande om ein vel Uskedalen eller ei anna bygd som sin heimplass.
08.04.2021
Uskedal Utviking med tilpassa drift i koronaåret 2020.
Årsmeldinga 2020 til Uskedal utvikling syner ei drift prega av restriksjonar. Dette er mest synleg med omsyn til drifta av Kafe Tiaren, som ikkje har vore i drift sidan nedstenginga for vel eit år sidan. Arbeidet med renovering av Gamleskulen held fram. Handikaptoalettet og oppusssing av eksisterande toalett er ferdigstillt. Det er enno noko arbeid som må gjerast i kjellaren før utleige og vanleg bruk.
08.04.2021
Høyringsuttale 7 - frå FAU ved Uskedal skule.
Vi er komne fram til høyringsuttale 7 i serien om uttale til endring av skulestrukturen i Kvinnherad. FAU skriv i si fråsegn at Uskedalen er ei levande bygd med stor aktivitet  der skulen er eit naturleg samlingspunkt. Det vert synt til at Elevrådet ynskjer sterkt å få behalda skulen. I den samanheng er det viktig å syna til FNs barnekonvensjon nr. 3 der det vert presisert at i alle saker som rører ved born, skal ein ta omsyn til borna sitt beste. Les vidare kva FAU skriv:
07.04.2021
Meir enn dobling i SPLEISEN til ungdomslaget siste veka.
Mange ønskjer å støtta SPLEISEN Uskedal ungdomslag treng hjelp!  Siste veka har den fått eit skikkeleg løft, og frå 1.april har innsamlingsbeløpet blitt meir enn dobla, - frå 15.746 til 32.901kr i skrivande stund.  Både rause privatpersonar og nokre gode støttespelarar blant firma har bidrege til dette flotte resultatet.  Vi kan framleis støtta SPLEISEN HER.
07.04.2021
Innsamling til Ukraina, måndag 3. mai.
Måndag 3. mai kjem THK – traileren til Kvinnherad. Kvar vår, i mange år no, har vi samla inn brukte kle og utstyr til Ukraina, her i Kvinnherad. THK – stiftelsen er i år 26 år gamal. Sist år skulle 25 årsjubileum markerast med gjester frå Ukraina. På grunn av Covid 19, vart dette avlyst. Midt i mars i fjor hadde vi innsamling. Trailaren var ferdig pakka og sjåførane var klare. Så kom koronaen, nærast over natta, og alt vart sett på vent.
06.04.2021
Stor byggeaktivitet i Uskedalen.
Det er stor byggeaktivitet i Uskedalen for tida. Det er nybygg og renovering, naust og næringsbygg.  I byggefeltet Ospelunden er det aktivitet i ulike deler av feltet, både ytterst ut mot Kleivadalen, oppe i feltet og nede på flata bak eksisterande bygg. Det vert klargjord for ny lausdriftfjøs på Haugland. I sentrum er arbeidet med nytt hus i funkisstil er reist. Ei leileighet på Uskedalen Brygge ligg ute for sal. Det same gjeld for hus i Skårhaug.
05.04.2021
Høyringsuttale 6: Frå personalet i Uskedal Barnehage
Personalgruppa i Uskedal barnehage har skrive ei grundig fråsegn i sak om Oppvekstkår i Kvinnherad. Det er semje i personalgruppa om å vidareføra gjeldande struktur, det som vert kalla Konsept 0. Grunngjevinga er at barnehagen i Uskedalen ligg sentralt i sentrum av bygda og er såleis lett tilgjengeleg frå hovudvegen. Uteområde er velfungerande med kunstgrasbane, klatrepark, strandområde, opparbeidde turstiar og eit levande nærmiljø med ulike butikkar og industri. Les vidare kva personalgruppa skriv.
Sponsorar
Sparebank 1 SR bank ASA
Spar
kvinnheringen
Gros Blomster
Brødrene Hjønnevåg AS
Kvinnherad Breiband
Uskedal Båtlag
Kvinnherad Vekstbedrift AS
Grenda
Tysnes Sparebank
Zjakk Frisørsalong
Eidsvik Eigedom AS
Rabben feriesenter
S. Rødsten Bilforretning A/S
Auto 88
Ospelunden
Stord Lufthamn
iDrift AS
Kvinnherad Breiband
Utvikla av iDrift AS