Det var i 1906 ho kom til bygda vår etter å ha teke jordmorskulen og her vart ho gift med Gjert Myklebust, som døydde i 1919.
Då han hadde gått bort, vart det mykje å stå i med for Anna. Attåt jordmorarbeidet laut ho stå for styr og stell på den vesle garden, der ho også skulle stella fem ukonfirmerte born.
Men Anna greidde alt på ein framifrå måte. Ho heldt fram som jordmor til 1944 og var godt likt av alle. Då ho runda 70, heldt Uskedalen husmorlag ein gild fest for henne og gav henne ei gåve. Seinare fekk ho Kongens fortenestemedalje.
| 
