Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Før og no i uskedalen

Eit bilete seier framleis meir enn tusen ord og arkivet til ungdomslaget seier særs mykje om det som var, ikkje minst når ein samanliknar med dagen i dag. Det er det vi gjer i denne spalta. Foto teke frå same staden er særs illustrerande.

 
Klikk på bilete for full storleik
Holmebrua
 
Klikk på bilete for full storleik

* Holmabrua eksisterer ikkje lenger. Den gjekk mellom Neset og Flatholm og Olav Ivar Bringedal tok dette biletet i 1933. Brua vart erstatta av fylling og ny bru i 1988, slik at ein kunne kjøra over til Flatholm med bil. Dama på bilete er truleg Marta Jacobsen.

Jenta på bilete som er teke på samme staden er Karoline Neset. Det som slår ein, er at det var så lite vegetasjon før.

 
Klikk på bilete for full storleik
Sentrum
 
Klikk på bilete for full storleik

* Like etter 1960 var Normann også i Uskedalen og tok dette panoramaet mot sentrum frå Feet. Kyrkja er ikkje ombygd, det skjedde i 1965, I dag har det vorte meir vegetasjon også i dette området.

 
Klikk på bilete for full storleik
Uskedalselva
 

* Normann har også teke biletet av Uskedalselva frå brua, ein gong mellom 1935 og 1945. Holmen i elva, som var eit idyllisk innslag i landskapet, vart fjerna ved elveførbygginga på 1960-talet.

 
Såto
 

* Desse to bileta er teke frå Såta i Englafjell, det eine ein gong i perioden 1915/1925 og det andre i 2006.. Det er å beklage at kvaliteten på det gamle biletet ikkje er betre, men ein kan i det minste sjå dei einskilde gardane.

 
Cruiseskip gjennom Storsundet
 

* Det gjekk turistbåtar gjennom Storsundet før i tida og. I 1939 tok Bjørne Myklebust eit bilete medan ein turistdampar passerte. Den skimtast så vidt foran Skorpo. Det store spørsmålet er om det kanskje var ein spionbåt? Det gjekk mange tyske turistbåtar forbi Uskedalen like før krigen…..

No går det mange cruisebåtar forbi vår bygd til og frå Rosendal og på biletet som vart teke sommaren 2006 passerer ein av dei større.

 
Låvedans
 

*Då dei dansa på Døssland

No blir det dansa på Dønhaug både titt og ofte. Men eigentleg er det ikkje noko nytt at det blir dansa på gardane i bygda sjølv om det gjekk noko enklare føre seg i gamle dagar enn no. Det kan vi dokumentera ved hjelp av eit bilete frå ungdomslaget si fotosamling. Det er teke i 1930 og syner ung og gamal som svingar seg til tonene frå ein skikkeleg tutgrammofon.

Til venstre dansar Marie Haugland med Trygve, så følgjer Borghild og til høgre dansar Johanna Heggland med Knut Døssland.

 
Skårhaug
 

* Det gamle utsynsbiletet frå Skårhaug mot sentrum og Skorpo vart teke omkring 1920. Ein kan sjå at straumen er komen til Uskedalen. Utsynet frå samme staden i 2006 er rett og slett ikkje der. Kan nokon gjera noke med all vegetasjonen?

 
Uskedal Mjølkelag sitt hus
 

* Dette er Uskedal Mjølkelag sitt hus, Dei tok i mot mjølk der i perioden 1927/1931. Det var mjølkeutsal i kjellaren fram til flaskemjølka kom. Huset har vore nytta til ulike føremål, til dømes butikk, lager, skule og bustad. Ei tid var det fryserom med utleige av boksar. Frå 1. januar 1985 har Inger Lise B. Eidsvik hatt bruktbutikk i huset. Det gamle biletet frå ungdomslaget si samling er teke ein gong mellom 1940 og 1950.

 
Ved Kapteinsgarden
 

* Dette biletet er teke ved Kapteinsgarden. Hovudvegen gjekk gjennom gjennom denne bjørkealleen, som strekte seg frå Sjøhaugen til hagahyrna. Kapteinsgarden var ei tid pensjonat og vart då kalla Koren Dahls Pensionat. Den mørkkledde dama på biletet er Brita Døssland fødd Kjærland. Dama i ljos bluse var tenestejenta på pensjonatet. I dag er denne vegen ein idyllisk lokalveg.

 
Sandakaien
 

* Det gamle biletet av Sandakaien vart teke ein gong mellom 1905 og 1915. Jekta som ligg ved kaien vart kalla Sandajekto.

 
Solheim Turiststasjon
 

* Dette er Solheim Turiststasjon før og no. På det gamle biletet, teke mellom 1945 og 1950, ser ein Fridtjof Sunde sin bil. Det var også ei bensinpumpe der den gongen..

No er det Aslaug Lyse (dotter til Fridtjof) som driv Solheim saman med mannen, Henrik Lyse.

 
Bading på Holmen
 

*Sommaren 2006 har vore ein framifrå badesommar og det ynskjer vi å markera med desse to bileta, som er teke tilnærma på samme staden, frå holmen mot Neset. Fotograf var Nordahl og året var 1953 – då var det også godt badever. Biletet er teke to år før trebrua (lengst til høgre) vart erstatta med bru av betongelement. Det store sjøhuset sentralt i biletet er ikke mykje endra på vel 50 år.

 
Fjellandsbøvatnet
 

*I Fjellandsbøvatnet startar Uskedalselva og her har ikkje landskapet endra seg så mykje på 50 år, med unnatak av vegen og vegetasjonen. Biletet er teke av fotograf Nordahl i 1953.

 
vegen til Fjellandsbøvatnet
 

*På 1960-talet vart nyvegen fram til Friheim bygt og dette biletet av gamlevegen vart teke av fotograf Nordahl i 1953.

 
Johanebrekko
 

*Johanebrekko blir kneiken opp til Brekketoppen i sentrum av Uskedalen kalla og vegstandarden i 1953 og 2006 er som natt og dag. Knaika skal vera kalla opp etter ei Johana (eller Johanna?) som budde i eit lite hus til høgre når ein kjører oppover. Dette huset ligg no på andre sida av vegen, inntil Geilo. Også dette biletet er teke av fotograf Nordahl.

 
Fjellandsbøgardane
 

*Ved Fjellandsbøgardane er panoramaet like storslagent i dag som for eit halvsekel sidan, den einaste forskjellen er størrelsen på bjørka til høgre i biletet. Fotograf Nordahl tok det i 1953. Desse gardane låg den gongen i Skånevik kommune!

 
Gamleskulen på Haugland
 

*Haugland skule (Kvinnherad Skulemuseum) hadde ikkje mykje vegetasjon rundt seg då den vart bygt i 1893, men no er den godt skjerma av digre lauvtre og røslege granar. Den var skule for Haugland og Musland krins og vart ramma av sentraliseringsbylgja i 1966. Det gamle biletet heng på skulen, og er nok teke like etter at skulen vart opna.

 
Gjestiveri
 

* K. Nordahl tok mange bilete då han var i Uskedalen og dette biletet frå 1950-åra syner den flotte frukthagen nedanfor Uskedal Gjestgiveri. Der var det både epler, plommer og pærer.

På Brekketoppen ser ein det nye gjestgiveriet. Til høgre for vegen ligg eit hus som ikkje er der lenger. Der budde Fretsy og Bjarne Myklebust, Ho var jordmor og det var og legekontor der.

Biletet frå 2006 er teke frå Stølen.

 
Friheim
 

*På Friheim har mykje skjedd på dei siste 20 åra. No har Bjørg Inga og Kurt Eivind Miljeteig 60 mål dyrka mark, 35 storfe og 60 vinterfora sauer. Heile garden er nybygd og siste byggjesteg er ein 'fabrikk' for produksjon av gardsmat. Samstundes er det gamle eldhuset restaurert.

Det gamle biletet er truleg teke for 60-70 år sidan – det var før vegen kom. Kimen til Friheim vart lagt i 1815, då Johannes Kristoffersson Våge slo seg ned i Elvakrokjen og rydda plass der. Den heldt fram som plass under Fjellandsbø i 100 år. Først frå årsskiftet 1929/1930 vart bruket skilt ut som eigen matrikkelgard og samstundes ført over til Kvinnherad kommune frå Skånevik.

 
 
 
 
 
 
 
 
 
 
 
 
 
  Tilbake

 
Lesarbilete
Notisar
29.09.2020
Rosa barneparaply funnen i kyrkja.
I våpenhuset i kyrka ligg det alltid litt kle og paraplyar. Soknerådet har særleg merka seg ein liten barneparaply, truleg frå konfirmasjonssundagen, rosa i fargen med påskrifta Dreams in Bloom. Vi reknar med eigaren saknar paraplyen sin. Kontakt redaksjonen i Uskedalen.no. Mobil: 915 31 487.

kb
29.09.2020
Sau står i skardet mellom Ulvanoso og Englafjell.
Var en tur til fjells i går og observerte sau ved Vestredalsvatnet i posisjon
N 59˚52.3012´, Ø 5˚53.7022´. Fint om Dere kan videreformidle informasjon.

mvh
Steinar Størkson
Skeisheia 11
5217 Hagavik
Tel 95406147
28.09.2020
Vil du vera med i Gjestebod for ny kulturminneplan.
Gjestebod er ei arbeidsform som vert brukt for å koma med innspel til kommunale planar. No gjeld det Kulturminneplan for Kvinnherad kommune. Ei gruppe på 4 - 6 personar jobbar nokre timar og finn fram til nokre prioriterte kulturminne i Uskedalen med tanke på vern og formidling. Samlinga er torsdag 1. oktober. Meld frå til underteikna. Anten e-post: kristian.bringedal@gmail.com eller mobil: 915 31 487.

kb
27.09.2020
Berga turgåar i Ulvanoso med helikopter
Ein person på tur til Ulvanoso i Kvinnherad måtte bergast ned av redningshelikopter kring klokka 18 søndag kveld. Skadeomfanget er uklart, men hovudredningssentralen i Sør-Noreg opplyser at ingenting indikerer at vedkomande er alvorleg skadd. Det er NRK Hordaland som melder dette.

kb
26.09.2020
Saknar du katten din - kontakt Karianne Foss på øvre Fet.
Ein ukjend, ung og svart katt er teken hand om på øvre Fet. Saknar du katten din, ta kontakt med Karianne N. Foss på mobil 454.29.558.

Siste: Eigaren har meldt seg og er svært glad og takksam for at Karianne tok ansvar for katten. Alle er nøgde.

kb
25.09.2020
Har du salmeynskje - kom på Salmekveld onsdag 14. oktober kl. 18.00.
Soknerådet saman med kantor Eva Megyesi skipar til ny salmekveld onsdag 14. oktober kl. 18.00. Dersom du har salmeynskje, meld frå til Kristian Bringedal på e-posten: kristian.bringedal@gmail.com. Eller mobil: 915 31 487. Kyrkjekoret Nordsaang og kvartetten ÆRE syng. Eva Megyesi på orgel og klaver.

kb
24.09.2020
Fylkesmannen stadfestar vedtak om avslag i vegsak på Flatholm.
Karl Otto Gravdal klaga på vedtak i Forvaltningsutvalet i møte 11.03.20, sak 2020/21, om å sei nei i søknad om dispensasjon frå LNF krava for å laga tilkomstveg til fritidsbustad på Flatholm, gbnr.123/109. Fylkesmannen stadfestar vedtaket i Kvinnherad kommune, og seier med dette nei til søknad om dispensasjon. Fylkesmannen sitt vedtak er endeleg og kan ikkje klagast på. 

kb
24.09.2020
Maria Malmsten har nokre ledige songtimar på torsdagar.
Det er nokre ledige songtimar på torsdagar etter kl. 13.00. Maria Malmsten er songpedagog. Dette songtilbodet er for alle, ikkje berre for dei som syng i kor. Undervisninga er i Gamleskulen, i den perioden møterommet på Stemneplassen vert renovert. Interesserte: Ta kontakt på mobil 976 99 887.

kb
21.09.2020
Varsel om politiøving i Uskedalen.
I området Uskedalen vil det bli gjennomført ei øving for politiet onsdag 23. september. Øvinga vil vera synleg i sentrum, både med kjøretøy og personell. Trafikken vil stort sett gå som normalt. Grunnen til at øvvinga er lagt til Uskedalen, er tilgang til eigna øvingsobjekt.

Knut Olav Myklebust - koordinator for operativ trening, Vest Politidistrikt.
20.09.2020
Ny bokbuss - stopp ved Grano i morgon, måndag kl. 17.05
Den nye bokbussen er på plass. Bussen har alt vore på Uskedal skule med bokutlån til elevane. I morgon, måndag 21. september, er det lagt inn stopp i sentrum, ved Grano, mellom kl. 17.05 og kl. 17.30. Møt fram. Lån bøker. Lever inn bøker eller du kan tinga bøker for lån. Bruk bokbussen.

kb
Siste Nyhende
29.09.2020
Dag Helland om Koronaviruset i Senioruniversitetet.
Kva er meir naturleg som tema i desse tider enn å snakka og om virus? Difor er dette temaet valt for førelesinga på Kvinnherad senioruniversitet 8. oktober i Rosendal. Førelesaren vert Dag E. Helland som har arbeidd med ulike virusaspekt sidan 1970. Dag Helland har feriehus i Beinavikjo i Uskedalen. Han fiskar og restaurerer eldre robåtar på fritida.
29.09.2020
Stor aktivitet ved NorTekstil, vaskeriet på Valen.
Det er stor aktivitet på Nor Tekstil sin avdeling ved Valen sjukehus. Driftssjef Roy Arne Jensen frå Uskedalen fortel til Uskedalen.no at i denne veka vert eksisterande tørketunell skifta ut med ny. Eininga er på heile 8 meter og veg 6,5 tonn. Investeringa vert gjort som del av ei større oppgradering som går over fleire år.
27.09.2020
Tilbygg og lettare tilkomst til lagshytta Fjelly.
Arbeidet med tilbygg til lagshytta Fjelly er godt synleg. Ramma, reiseverket og taket er på plass. Bordkledning og golv er det neste. Tilbygget skal brukast til lagring av ved og anna naudsynt utstyr. Stien frå Hauglandsfjellet og ned til Mannsvatn er lagt litt om og utbetra på det våtaste plassane. Dugnadsgruppa og hyttestyre har stått for arbeidet.
26.09.2020
Busstreiken er eit faktum - ingen ruter gjennom Uskedalen.
Frå kl. 06.00 i dag er busstreiken eit faktum. Ingen bussar i ordinær trafikk vert å sjå i Uskedalen. Det gjeld all busstrafikk, også skulerutene. Krava til sjåførane går på løn, arbeidstid og sikkerhet. I Skyss sitt rutehefte les vi at Uskedalen har 11 avgangar i kvar retning måndag til fredag. I tillegg kjem skuleskyssen til og frå Steinsletto, Rød og Musland.
25.09.2020
Gapahuken på Flåtene er klar til bruk.
Dugnadsgruppa med Pål Haugland som leiar er i innspurten på arbeidet med gapahuken på Flåtene i Eikedalen. Berre noko lite står att. Det er lagt ned eit stort arbeid, nøye gjennomtenkt i materialval, utføring og plassering. Arbeidet med gapahuken på Klepp på Hauglandsfjellet er i full gang.
24.09.2020
Reguleringsplan - fyrste steget fram mot eit ferdig prosjekt.
Det er varsla oppstart av arbeidet med reguleringsplan for eit utvida aktivitetshus med klatrehall. Uskedal Idrettslag ved Klatregruppa inviterte til eit to timars informasjonsmøte, organisert som som stand, i går. Alt kl. 19.00 var naboar og andre intereresserte møtte fram for å få vita meir om innhaldet og prosessen. Det er rekna fire steg i sjølve prosjekteringa. Fase ein er reguleringsplan.
23.09.2020
Skonnerten IDEAL av Kristiansund i Storsund i dag.
Det var ei staseleg skute som i 15 tida i dag, onsdag 23, september, kom inn Storsund på sin seglas til Rosendal. IDEAL er kopi av skonnerten ROSENHEIM, bygd på Skaaluren Skibsbyggeri 1910. Det vart bygd fire farty av denne typen tidleg på 1900 talet. Originale teikningar frå perioden 1903 - 1910 er lagt til grunn, men bygginga er tilpassa dagens krav til styrke og passasjersertifikat.
23.09.2020
Melding om oppstart - invitasjon til møte om detaljregulering for Aktivitetshuset.
Uskedal Idrettslag, konsulentfirma Civitas og arkitekt frå Lala Tøyen inviterer til oppstartmøte/stand i kveld, onsdag 23. september kl. 19 - 21, som gjeld detaljregulering knytta til utbygginga av Aktivitetshuset i sentrum av Uskedalen. Det vel 10 dekar store planområde omfattar både offentleg og privat areal. Uskedal Idrettslag er forslagsstillar. Civitas AS er plankonsulent. Lala Tøyen er arkitekt og landskapsarkitekt.
22.09.2020
Ny bokbuss med tre stopp i Uskedalen.
Den nye bokbussen i Kvinnherad er på plass og har starta køyreruta for hausten. Uskedalen er lagt inn med tre plassar for stopp. Det er Uskedal skule, sentrum v/ Gamleskulen/Grano og Dønhaug Gardsbarnehage. Bussen er svenskbygd, frå Fellvings i Billesholm. Det er ei lita verksemd som har spesialisert seg på bussar for mobile tenestetilbod, som blodbankbuss, tannlegebuss og bokbuss.
Sponsorar
Rabben feriesenter
Eidsvik Eigedom AS
Kvinnherad Vekstbedrift AS
Kvinnherad Elektro
Uskedal Båtlag
Spar
Gros Blomster
Solheim Turiststajson
Kvinnherad Renhold service
Uskedal Røyr og Multiservice
Auto 88
Ospelunden
Brødrene Hjønnevåg AS
Kvinnherad Energi AS
S. Rødsten Bilforretning A/S
Kvinnherad Breiband
Stord Lufthamn
Zjakk Frisørsalong
kvinnheringen
Sparebank 1 SR bank ASA
Grenda
Tysnes Sparebank
iDrift AS
Kvinnherad Breiband
Utvikla av iDrift AS