Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Synfaring på Rød og Haugland med ny kulturkonsulent

11.01.2019
Klikk på bilete for full storleik
Overgangen Linda Øen til Anita Lykkja som kulturkonsulent er no iverksett. F.v: Linda Øen og Anita Lykja.
 
Ny kulturkonsulent etter Linda Øen er Anita Lykkja. Lykkja kjem frå Valdres, men har i mange år vore kulturkonsulent i ein av dei mange kommunane på Helgelandskysten. Ho tok til i stillinga på nyåret og brukar dei fyrste vekene på å gjera seg kjend i Kvinnherad. Linda Øen, som no er tilsett som direktør på Sunnhordland Museum, var  med på synfaringa i Uskedalen, dette for å letta overgangen og innføringa i mange saker for Anita Lykkja.
 

Anita Lykkja skal jobba med allmenn kultur og kulturminnevern. Mange av tilskotsordningar høyrer til hennar ansvar. Idrett, friluftsliv og det meste av spelemiddelordninga er skild ut og sorterer under den nye idrettskonsulenten.

 

Synfaringa i Uskedalen omfatta tre kommunale samlingar,- Bygdetunet Rød, Bøkkerverkstaden og Haugland skulemuseum. Bygdetunet Rød frå tidleg 1980 talet treng vedlikehald og oppgradering. Ver, vind og mykje vatn gjer at det er stor slitasje på husa. Det må koma nytt slåk til kverna. Bygdetunet Rød har ikkje innlagd vatn, heller ikkje toalett.

 

Bøkkerverkstaden er på mange måtar eit enkelt objekt. Leigeavtalen på 25 år med eigaren, Hallvard Rød, er ute om eit år. Etter det kan kommunen inngå ny avtale om museumsdrift, eller ein kan avslutta samarbeidet. Bøkkerverkstaden med alt inventar er likevel ei verneverdig samling som ein ikkje utan vidare kan gjera med som ein vil.

 
Klikk på bilete for full storleik
Haugland skulemuseum er ei av tre kommunale samlingar i Uskedalen. Bilete er frå filminnspleinga med 7. klasse og Merete Offerdal Tveit.

Haugland gamle skule er skulemuseet i Kvinnherad. Samlinga er komplett og godt eigna for omvisning og aktivitetar. Det manglar vatn og toalett, noko ein delvis har løyst i samarbeid med drifta av Vonheim. For å sikra godt vatn til Vonheim vert det vurderte i løysing med kjerneboring etter grunnvatn. Eit positivt resultat vil vera til stor hjelp og nytte for drifta av skulemuseet.

 

Eit anna spørsmål vil vera driftsforma for alle tre samlingane. Ei vanleg ordning i dag er venelag og stiftingar. Det er den løysinga som er brukt i mange bygder, som til dømes med Valenstiftinga, Venelaget for Gurine og for Vangssago.

 

Museumssamlingar og andre kulturminneprosjekt må vera lokalt forankra. Tronge økonomiske rammer og mangel på fagkompetanse set grenser for kva kommunen kan engasjera seg i.

 
 

Tekst/foto/nett: Kristian Bringedal

 
Klikk på bilete for full storleik
Leigeavtalen på 25 år om museumsdrift på Bøkkerverkstaden er ute om eit år. Avtalen kan reforhandlast om partane ynskjer det.
 
 
  Tilbake

 
Lesarbilete
Notisar
22.07.2019
Allsong på Tiaren neste tysdag, 30. juli kl. 12.
Etter litt sommarfri vert det Allsong på Kafe Tiaren neste tysdag, 30. juli kl. 12. Nokre av songane handlar om sommaren og den lyse årstida. Neste oppdrag for Rustne Menn er på den store skutefesten i Rosendal 23./24. august.

kb
20.07.2019
Uskedalselva er open for fiske fram til mandag kveld.
Uskedal elveeigarlag melder at auka vassføring gjer at Uskedalselva vert opna for fiske att i nokre dagar.  Fisket vert stengt att mandag kl.18.

tid
17.07.2019
Ni seglskuter er førebels påmelde til Cruise in Company
Ni seglskuter er førebels påmelde til seglarsamling i Rosendal i denne veka. Talet vil truleg auka. Dei fleste vil gå Storsund fredag 19. juli med retur dagen etter. Nokre skuter kan koma alt i morgon, torsdag 18. juli. Skutene er delte inn i fire klassar, etter storleik.

kb 
17.07.2019
Siste veka med Sommarkafe på Elins Matgleder.
Thea Soltveit Taranger er inne i si siste veke som kafevert på Elins Matgleder i Uskedalen. Onsdag, torsdag, fredag, laurdag og sundag er dei siste dagane i denne omgang. Opningstida er kl. 11 -  17.Silobutikkane er opne i den same tida.

kb
15.07.2019
Dugnad på Kunstgrasbanen onsdag kl. 18.
Det vert invitert til dugnad ved Kunstgrasbanen, onsdag 17. juli, kl. 18. Før det gror til med ugras i det som er planert, vert det fylt på med mold, jevna og gjort klart for såing. Dugnadsgruppa har delvis ferie, men det er viktig å få gjort dette arbeidet no i denne veka. Dugnadsleiar, Pål Haugland, tek mot dei som kjem. Ta med rive.

kb
13.07.2019
Bruk 9 på Myklebust er seld.
Bruk 9 på Myklebust er seld. Det var visning laurdag 16. mars. Eigar har vore Olav Hjetland Bringedal. Eiendomsmegler VEST har stått for salet. Det er lokale kjøparar til eigedomen. Det vert no søkt konsejon før innflytting.

kb
11.07.2019
Ambulansebåten hadde oppdrag i Uskedalen natt til torsdag.
Gulen Skyss sin nye ambulansebåt, Rosedoktoren, hadde eit ordinært oppdrag til person i båt i Uskedalen natt til torsdag 11. juli. Etter vel ein halvtime i Uskedalen kring kl. 01.30 gjekk legeskyssen mot Leirvik.

kb
11.07.2019
Sommarope på Byggeriet.
Opningstidene på Byggeriet i juli månad er: Måndag - fredag: kl. 09 - 16.30. Laurdag: kl. 09 - 13. Dette gjeld både for lager og butikk.

kb
10.07.2019
Sommarjobben min - aktuelle namn.
Kvar sommar skriv Uskedalen.no innlegg til overskrifta Sommarjobben min. Det handlar om ungdom som brukar ferien til jobb. Vi har alt skrive om Thea Soltveit Taranger som driv sommarkafe på Elins Matgleder. Kven andre har sommarjobb ? Meld inn namn og type jobb til redaksjonen og vi tek kontakt. Skriv til: uskedalen.no@gmail.com

Red.
10.07.2019
Ny lekkasje på nettet.
Uskedal Vassverk melder frå om ny lekkasje på nettet. Det går ut 4 liter pr. sekund meir enn det som er vanleg. Styret bed alle vera merksame og melda frå dersom ein ser vatn som kan koma frå ledningsbrot.. Alle med hytter og naust, som ikkje er i bruk heile året, må vera observant. Sjå  særleg etter inntak og stikk inn til husa. Dersom du ser noko som kan vera ein lekkasje, meld frå til Hans Reidar Kjærland på mobil: 99701819.

Uskedal Vassverk
Siste Nyhende
23.07.2019
Ei god fiskehelg i Uskedalselva.
Sist helg må reknast som ei av dei beste fiskehelgane i Uskedalen denne sommaren. Innrapportert fangst var på heile 32 fiskar, fordelt på laks og aure. Etter opninga 1. juni var det mest berre aure. No er laksen på plass og det vert faktisk fiska noko meir laks no enn aure. Den største fangsten denne helga var ein laks på 7,9 kg, teken på sluk av Knut Inge Eidsvik.
22.07.2019
Det lovar godt for båtsesongen i Uskedalen.
Det lovar godt for båtsesongen i Uskedalen. Styremedlem Jan Henrik Hansen er godt nøgd. Det sig på med båtar og mange ynskjer leige over fleire veker. Mange båtgjester brukar Uskedalen som base og let båten liggja, mens ein tek fjellturar og reise i nærområde. Hansen syner til båtfolk med arbeidet sitt i Odda, men som let båten liggja fast i Uskedalen. Trenden er at det aukar på med båtfolk som ynskjer langtidsleige.
21.07.2019
Viktig informasjon om nye vassavgifter frå Uskedal Vassverk.
Det foreligg ny prisliste frå Uskedal Vassverk. Overgangen til ei meir differensiert vassavgift vert gjort med bakgrunn i vedtak på årsmøte 8. mai 2019. Den gamle prislista inneheld prisgrupper som ikkje dekkar dagens behov. Informasjon og ny prisliste vert sendt pr. post til alle abonnentane i desse dagar. Les kva styret skriv:
20.07.2019
Ny Spar-generasjon skaper trivsel.
Spar Uskedalen er vide kjende for at dei gjer handelen triveleg for kundane sine.  Prisar og tilbakemeldingar gjennom åra fortel alt om det!  Mange kundevennlege tiltak har med jamne mellomrom dukka opp.  I dag var det ein ny generasjon Spar Uskedalen, Aurora Nilsen Mathisen og Margrethe Nilsen Hillestad, som tok mot kundane på ein særs koseleg måte.
19.07.2019
Tall Ships Races med venskapsetappen gjennom Storsund.

Venskapsetappen til The Tall Ships Races går frå Fredrikstad til Bergen med nokre utvalde hamner under vegs. Rosendal har vore og er ei såkalla Cruise in Company hamn. Fem staseleg seglskuter har så langt passert Uskedalen og går til kai i Rosendal for kvelden og natta. Sundag må alle dei påmelde fartya vera klar for innsegling til Bergen.
18.07.2019
25 år sidan 7- fjellsturen i Uskedalen på 16 timar.
I juli månad 1994 gjennomførte Steinar Haugland og Bjørn Olav Tveit ein fjelltur av det sjeldne slaget. På 16 timar var dei på alle fjelltoppame rundt Uskedalen. Så langt vi kjenner til har dette aldri vore gjort på ein og same dag. Bjørn Olav Tveit var den gongen 20 år, Steinar Haugland var 22 år. Interessa for fjellturar og spesielle stunt starta tidleg.
17.07.2019
Slik skal det ikkje sjå ut på Kunstgrasbanen.
Bos og attgløymde kle er ein gjengangar på Kustgrasbanen. Problemet endrar seg litt i ferietida då det ikkje er faste treningar. Brukarane er ofte dei same, men utan trenar og foreldre som ser på kampane. I fellesferien kjem det mange turistar, båt- og campinggjester og brukar banen og aktivitetsområde rundt. Dersom ein ikkje plukkar og tek boset med seg, er det ingen andre som gjer det.
16.07.2019
Selstad utvidar produksjonen til landbaserte anlegg.
Utstyrsleverandøren Selstad og design- og ingeniørselskapet Koda har inngått
distribusjonsavtale for kar til smolt- og landbaserte anlegg. Med denne avtalen blir Selstad ein forhandler av både kar, røyr, rørsystem og tilhøyrende teknologi. Med denne distribusjonsavtalen kan Selstad stå for  løysingar for landbaserte anlegg og smoltanlegg utover dei løysngane Selstad alt har i dag innan havbruk.
16.07.2019
Grindbygd halvtekkje med torvtak.
Bjarte Eik er praktisk og hendig. Det siste året har han sett opp ei grindbygd halvtekkje til garasjen. Namnet grindbygg kjem av konstuksjonsmetoden med stavar, bete og skråband. Veggene er kledde med ukanta kledning. På sperra ligg det tro eller vi vil kalla sutak. På laurdag var det torvdugnad der ein skar og la torva på plass.
Sponsorar
Kvinnherad Energi AS
Eidsvik Eigedom AS
Spar
Ospelunden
Gros Blomster
Stord Lufthamn
Uskedal Båtlag
Auto 88
Kvinnherad Breiband
Kvinnherad Elektro
Brødrene Hjønnevåg AS
Elins Matgleder
Uskedal Røyr og Multiservice
Solheim Turiststajson
S. Rødsten Bilforretning A/S
kvinnheringen
Kvinnherad Vekstbedrift AS
Tysnes Sparebank
grenda
Kvinnherad Renhold service
Zjakk Frisørsalong
Sparebank 1 SR bank ASA
Byggeriet
iDrift AS
Kvinnherad Breiband
Utvikla av iDrift AS