 |
Treng konsesjon for kraftverk i Mauranger | Oddbjørn Kroka, som bur i Uskedalen, satsar på småkraftverk i Mauranger, der han er frå.
No har han søkt om konsesjonsfritak for eit småkraftverk med installert effekt på 2,7 MW iKrokaelva. Stasjonen er planlagt på same staden som eit gamalt kraftverk stod på fram til 1956. | | | | Røyrgata er planlagd i tunnel frå inntaket til stasjonsområdet nede ved vegen. I elva er det frå før etablert Kroka 1 minikraftverk som utnyttar dei nedste 130 meter av fallet. | | | | Etter ei eventuell etablering av Kroka 2 vil eksisterande kraftverk utnytte nedslagsfeltet nedafor inntakettil Kroka 2 samt eventuelt overløp frå Kroka 2. | | | | NVE har vedteke at tiltaket treng konsesjon etter vassressurslova. | | | | Det blir mellom anna vist til at det nedanfor inntaksdammen er funna to raudlista moseartar. Dei veks der det i periodar utan overløp frå eksisterande kraftverk berre renn ei minstevassføring på 11 liter i sekundet. | | | | Kroka 1 vart ferdigstilt i 2008 og påvisinga av raudlisteartane har skjedd etter dette. | | | Oddbjørn Kroka opplyser til uskedalen.no at vedtaket til NVE vert påklaga til Olje- og energidepartementet allereie denne veka. Kroka meiner NVE ikkje har teke omsyn til alle fakta i saka om raulisteartane.
| | | | Av Ola Matti Mathisen | | | | | | |
|
| |
 |
