 |
Gann på tokt til Kvinnherad |  | | Gann på veg inn i Storsund i ettermiddag. (Foto: Ola Matti Mathisen) |
| | | | Skuleskipet Gann gjekk inn Storsund i dag, i 15-tida, på veg til Rosendal på sitt årlege tokt i starten på eit nytt skuleår. Mange vil kjenna fartyet frå hurtigruteflåten | | | Noverande Gann er nemleg den tidlegare Narvik, bygd i 1992 og brukt i hurtigruta til Rogaland sjøguttskule overtok skipet i 2007.
Skipet har plass til 105 elevar og har i tillegg 36 lugarar til kursverksemd. | | | Skuleskip for fyrstereisgutar i kristen regi tok til alt i 1949, den gongen i samarbeid med ein av Brandbåtane. ( Bygd i Rosendal 1939 )
Den fyrste Gann kom i 1951. | | | Seinare har det vore mange vakre Gann-båtar å sjå på tokt inn Hardangerfjorden.
På sommaren går Gann i qruisefarten på norskekysten. | | | Nokre år hadde ein ikkje sertifikat til å gå i utanriksfart. Frå 2010 er det endra.
Difor har Narvik denne sommaren mellom anna vore i vesterlei til Orknøyane og Shetland.
Turen inn Gavelen og gjennom Storsund i dag er ein del av det årlege Blikjent-toktet for nye elevar, gutar og jenter. Skipet ligg ved industrikaien i Skålafjæro og det er innlagt faste besøk i Rosendal,- mellom anna omvisning på Skaaluren skipsbyggjarmuseum.
| | | Mange unge sjøfolk frå Uskedalen har hatt si fyrste fartstid på ein av Gann sine skip. | | | | Av Kristian Olav Bringedal | | | | | | | | | |
|
| |
 |
