 |
Vårteljing av hjort i Uskedalen |  | | Ein 4 år gamal bukk bukka under ved Musland. Viltforvaltninga ber om rapport om daude dyr. |
| | | | Kvinnherad er oppfordra frå Merke- og utviklingsprosjektet Hordahjort om å delta i ei innmarksteljing av hjort og vilforvaltar Leiv Trygve Varanes ber valda i Uskedalen om å få til eit samarbeid om ei felles teljerute og organisert teljing på seks datoar utover våren. | | | | Ei slik teljing er noko som er gjort i andre kommunar i mange år, men i Kvinnherad er det berre enkelte avdei store planområda som har prøvt etter eigne opplegg. Det er lagt opp til teljing fyrste gong tysdag 16. mars med start klokka 23. Det blir satsa på å få til teljingar etter ei rekke faste ruter omkring i kommunen og då særleg organisert gjennom større vald med eigne bestandsplanar. | | | | Varanes skriv også at det også kan vera ekstra interessant i år - etter ein lang, kald og snørik vinter - å prøva å registrera om det er stort fråfall i enkelte aldersgrupper. Han ber om rapport til viltforvaltninga dersom det blir funne daude hjortedyr.Vårteljing vil også vera ein enkel måte å registrera omfanget av innmarksbeiting og ikkje minst samansetjinga av hjortestamma og endring av presset framover våren, understrekar viltforvaltaren. | | | | Av Olaa Matti Mathisen | | | | | | |
|
| |
 |
