Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Kvalitet og god kontakt med kunden er viktig for eit godt eplesal.

09.11.2019
Klikk på bilete for full storleik
Bjørnar Gjerde Eik syner fram litt av all frukta som er hausta i 2019.
 
Kvalitet og personleg kontakt med kunden er avgjerande for god omsetnad av eple frå Steinsletto. Bjørnar Gjerde Eik er enno ein gong godt nøgd med eplehaustinga. Heile fem tonn eple av ulike sortar er komne i hus. Mykje er alt seld. Det er rett nok før sortering. Ikkje alt er salsvare, men volumet er om lag det same som i 2018.
 

Eik og Steinsletto er dei plassane i Uskedalen som held fram tradisjonen med fruktdyrking som attåtnæring. I tida både før og etter krigen var det mykje frukt både på Rød, Myklebust, Neset og i Myro. Olav A. Myklebust dreiv med frukt i heile sitt yrkesaktive liv. Johannes Rød var også ein ivrig fruktdyrkar. Eldre bilete syner at det var store frukthagar i sentrum, både på Neset og i Myro.

 

Den ideelle plassen i dag er Eik og Steinsletto med frukthagar som ligg på kote 50, om lag 40 - 50 meter over havet. Her finn du lune parti med varme på dagen og noko kjølegare på natta. Variasjon i temperaturen i løpet av døgeret er ein av fleire faktorar som fører til god hausting.

 
Klikk på bilete for full storleik
Fem tonn eple er hausta på Steinsletto i år. Det er før sortering.

Sal av hausteple som Discovery og Prins er unnagjord. I tida fram til jul er sortane Aroma, både vanleg Aroma og Raud Aroma. Seinare kjem vintereple som Elster. Epla vert selde i 1. og 2. sortering. Eple av sorten Elster er plukka for to veker sidan og sett på lager i den gamle løekjellaren. Plassen er ideell for lagring, -  ikkje for varmt, ikkje for kjøleg og ikkje for turt.

 

Det er for det meste direkte sal heime på tunet eller ved torghandel. Bjørnar har mange faste kundar som tek direkte kontakt og finn vegen til Steinsletto for å henta eple. God skilting ved Fylkesvegen er viktig. I fjor kom det kundar like frå Bømlo. Dei fann fram til Eple frå Steinsletto på Facebook og ved å ta seg fram etter skiltinga. Nokre kjem oppom berre ved at dei ser skiltet ved hovudvegen.

 

På Eikevegen fram til Steinsletto ser du skiltet Eple frå Eik. Her er det også sal av eple, på bruket der Thomas Eik var fruktbonde i mange år. No er det dottera Liv Torunn og mannen som driv plassen og sel frukt.

 
 

Tekst/nett: Kristian Bringedal

Foto: Magne Eik/ Kristian Bringedal

 
 
 
 
 
 
 
Klikk på bilete for full storleik
Omsetnaden er for det meste ved direkte sal til kunden og ved torghandel ( Arkivfoto).
 
 
  Tilbake

 
Lesarbilete
Notisar
18.11.2019
Nabomerknad til byggesøknad i Halsabrotet.
Nabomerknad til søknad om å byggja hus og garasje i Halsabrotet gjer at Forvaltningskomiteen utsette saka til ein har vore på synfaring. Kommunedirektøren ville gje løyve som omsøkt utan å ta omsyn til merknader frå naboane. Merkandene går på utsikt og innsyn. No vert det synfaring før vedtak i komiteen.

kb
18.11.2019
Forvatningskomiteen sa ja til advokatkontor for 2. gong.
Forvaltningskomiteen hadde saka om advokatkotor på Døssland oppe for 2. gong, etter at Fylkesmannen rådde frå å gje løyve. Eit samrøystes utval sa ja til utbygging slik Kommunedirektøren tilrådde.

kb
17.11.2019
Møteveke i Uskedal Bedehus.
Det vert møteveke i Uskedal Bedehus frå onsdag 20. til sundag 24. november, bortsett frå laurdag. Då er det ikkje møte. Talar er misjonær Sverre Hovda. Møtetid: Kvardagar kl. 19. Sundag: kl. 11. Song og musikk. Gåve til misjonen. Alle er velkomne.

Arr: Misjonssambandet
17.11.2019
Fest for frivillige på Kafe Tiaren.
Onsdag i denne veka vert det Frivilligfest for alle som hjelper til på Kafe Tiaren. Kafe Tiaren er ein sentral kulturell og sosial møteplass i Uskedalen med brukarar både frå bygda og frå andre bygder. Tilbodet er ope og i drift kvar tysdag heile året. Alle har motteke personleg invitasjon og det er påmelding til Berit H. Døssland på mobil: 913 07 384.

Kafe Tiaren
15.11.2019
Julebakst på Elins Matgleder i dag, fredag 15. november.
Det er høve til å få kjøpt brune pinnar på Elins Matgleder, Uskedalen og Rosendal, i dag fredag 15. november.

kb
14.11.2019
Alle aktørane er klar for julekonserten 15. desember.
Arbeidet med innslaga på julekonserten i kyrkja sundag 15. desember er i boks. Av kor/korps og enkeltaktørar vert desse med på konserten: Røysterett for Alle, Leif Inge Heimvik, GLIMRAH, kantor Eva Megyesi,  Uskedal musikklag og Uskedal skulemusikk. Gjester er borna Artur Zimin og Avrora Zimina. I tilegg kjem tre salmar.

kb
13.11.2019
FAU på skulen planlegg basar i februar 2020.
FAU på Uskedal skule vil laga til basar i februar månad. Utvalet spør om nokon vil laga gevinstar og premiear. Det kan vera noko frå strikking, sying eller frå sløyden. Ta kontakt med Isabell Stensletten på mobil 480 58 703.

FAU
13.11.2019
Ubemanna julebutikk i Skålagato.
Elins Matgleder melder på si Facebookside at det vert ubemanna Julabutikk og Cafe Hylleblomen i Skålagato i Rosendal. Det vert gjort slik døra er ulåst, kunden går inn og handlar det ein ynskjer for så å betala på Restaurant Fiolen. Det er ikkje ofte vi høyrer om ulåste butikklokale slik Elin Enes gjer det.

kb
12.11.2019
Bygdarock i Helgheim laurdag 30. november.
Det vert Bygdarock i Uskedalen laurdag 30. november. Sløyden Rock står for musikken og det er ein viss fare for at det kan bli både allsong og dans. Sal av hotdogs og drikke. Billettar kan du kjøpa på SPAR, Uskedalen. Alder: 18 år. Inngang: kr. 200,-.

kb
12.11.2019
Lars Haugland - ny leiar i Uskedal Bondelag.
Lars Haugland vart på årsmøte 31. oktober vald til ny leiar i Uskedal Bondelag. Med seg i styret har han: Ingvill E. Myklebust, Marita Kjærland, Kjell Arne Myklebust og Runar Myklebust. Meir informasjon om Bondelaget og landbruksnæringa kjem som eige innlegg.

kb
Siste Nyhende
19.11.2019
Ikkje topplag på vegen til Fjellandsbø i denne omgang.
Det kjem ikkje topplag på vegen frå Friheim til Fjellandsbø i denne omgang. Det stadfestar Per Inge Naterstad i Kvinnherad kommune. Så lenge det ikkje bur nokon fast på Fjellandsbø vert vegen sett i stand med eit forsterkingslag, grøftereins og utskifting av nokre stikkrenner. Forsterkingslaget er frest asfalt frå arbeidet med Opsongersvegen og som har vore mellomlagra på Børneset.
18.11.2019
Skulefrukost med sunn og god mat.
Ein gong i halvåret lagar Elevrådet på Uskedal skule til måltid for alle elevane. Elevrådet ynskjer å utvida ordninga til to gonger i semesteret. Elevrådet tel tilsaman 14 medlemer og Hilde Bringedal er elevrådskontakt. Uskedal Helselag støttar skulefrukosten med kr. 20,- pr. elev.
17.11.2019
Motbakkeløp til Ådnaklett for 30 år sidan.
På Grenda si framside for 30 år sidan kan vi lesa om motbakkeløp til Ådnaklett. Tormod Myklebust minnest løpet. Han var sjølv med i det Grenda kallar styrkeprøven med start på Uskedal skule og mål i enden av den nylaga skogsvegen frå Myklebust til Ådnaklett. Knut Olav Myklebust ( 9 år den gongen ) var også med. Margun Eik ( Uskedal IL ) vann kvinneklassen.
16.11.2019
Uskedalen er med i nasjonal drikkevasstudie.
Folkehelseinstituttet har invitert personar frå heile landet til å delta i ei spørjegransking om samanhengen mellom drikkevatn og magesjuke. Truleg har mellom 10 og 15 personar i Uskedalen takka ja til å vera  med i dette forskingsprosjektet. Ein gong i månaden svarar deltakarane på eit elektronisk spørjeskjema på E-post. Spørjegranskinga går over 12 månader.
15.11.2019
Røysterett for Alle med heile tre julekonsertar.
Røysterett for Alle går inn i ei travel førjulestid med heile tre julekonsertar i tre bygder, Husnes, Uskedalen og Ølve. På Husnes er Frode Kaldestad med på piano. I Uskedalen er Irene Simonsen akkompagnatør. Konserten inneheld 15 songinnslag. Av desse er nokre nye og har ikkje vore framført før. Koret vil mellom anna framføra Jeg synger julekvad, etter eit opphavleg tysk arrangement.


14.11.2019
Kongens medalje til turleiaren og fjellmannen Kåre Eik.
Den 14. oktober kom det melding frå Slottet om at H.M. Kongen hadde tildelt Kåre Eik frå Rosendal/Seimsfoss Kongens fortjenestemedalje. Bak søknaden om å tildela fortjenestemedaljen til Kåre Eik stod: Rosendal Turnlag – Turgruppa, Rosendal Turnlag – Hovudlaget, Kvinnherad Turlag og Bergen og Hordaland Turlag. Utdelinga vart markert på Rådhuset i denne veka.

12.11.2019
Minnerik 87 års-markering for heilfrelst Viking-supportar!
Mandag fylte nestoren i Uskedal musikklag, Bjørgulv Eik, 87 år.  Tirsdag var det som vanleg øving i bandet, og då vart sjølvsagt åremålet markert.  Bjørgulv som er særdeles sportsinteressert, har vore ivrig tilhengar av fotbalklubben Viking i tett på 70 år.  At klubben set pris på dette, viste dei tydeleg på markeringa tirsdag.  Dei sette ein ekstra spiss på kvelden, ikkje berre for jubilanten, men også for resten av bandmedlemmene.
12.11.2019
Nedgang i elevtalet kan føra til overgang til Malmanger skule.

I framlegg til Budsjett 2020 og Økonomiplan fram til 2023 rår Koummunedirektøren til at elevane ved Uskedal skule, saman med Omvikdalen skule,  vert overført til Malmanger skule i 2023. Bakgrunnen er ein dramatisk nedgang i elevtalet frå 102 elevar i 2019 til  68 elevar i 2024. Ein føresetnad er ferdigstilling av nye Malmanger skule.
11.11.2019
Klargjering av nye lys til Julagrano.
Når den staselege julegrana i Uskedalen vert tend for 57. gang den 1.desember kl.16, vil den vera pynta med flunkande nye lys.  Dette er blitt mogeleg etter ei flott pengegåve frå Sparebankstiftinga Kvinnherad på 70.000 kroner og ein solid dugnadsinnsats frå eldsjeler i Uskedal musikklag.  Det er musikklagsmedlemmer som i alle år har stått for pynting og vedlikehald.
Sponsorar
Solheim Turiststajson
S. Rødsten Bilforretning A/S
Kvinnherad Vekstbedrift AS
 grenda
Ospelunden
Gros Blomster
Auto 88
Stord Lufthamn
Uskedal Båtlag
Kvinnherad Breiband
Kvinnherad Elektro
Eidsvik Eigedom AS
Spar
Byggeriet
Elins Matgleder
Uskedal Røyr og Multiservice
kvinnheringen
Kvinnherad Energi AS
Tysnes Sparebank
Brødrene Hjønnevåg AS
Kvinnherad Renhold service
Zjakk Frisørsalong
Sparebank 1 SR bank ASA
iDrift AS
Kvinnherad Breiband
Utvikla av iDrift AS