Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Smøremat i barnehagen med fiskerettar frå Hjønnevåg.

03.04.2019
Klikk på bilete for full storleik
Matlaging er ein viktig del av barnhagen sitt arbeid for god og sunn kost.
 
Gode matvaner blir danna alt i tidlig i barndommen. Personalet i barnehagen har eit medansvar for at barna får i seg sunn, god og næringsrik mat medan foreldrene er på arbeid. Ein stor del av dei måltida barnet skal ha i løpet av dagen, får barnet servert i barnehagen. Difor har det stor tyding  kva vi tilbyr av mat, drikke og korleis vi arbeidar med måltida. Vi ynskjer at barna skal få eit sunt og variert kosthald. Som ein viktig del av dette arbeidet er å la barna få smaka på ulike matvarer/produkt  som dei kanskje ikkje har smakt på tidligare.  

 

 

Måltidet i barnehagen er eit pedagogisk verkty. Godt tilrettelagte måltider utvikar matgleda og gjer at barna utvidar sitt spekter av mat som dei et. Det er få verkemidel som fungerer beter enn at barnet får delta i å laga maten, og ser kva andre barn eta når det kjem til å våga og prøva å eta nye ting. 

 

Riktig og næringsrik mat har positive effekter i forhold til blant anna helse, læring, vekst, utvikling, tannhelse og forebygging av overvekt. Her må vi heller ikkje gløyma all læringa, og det sosiale samspelet som ligg i å få vera med å planlegge eit måltid, laga maten, venta på tur, hjelpa kvarandre, dekka på bordet og rydda opp etter måltidet. 


Mestringskjensla barnet opplever når maten ligg ferdig på fatet, og barnet/barna kan seia: Sjå, kva vi har laga til mat i dag, må heller ikkje underkjennast.

 
Silda ver gjort klar for servering.

Gåve frå Brødrene Hjønnevåg og smøremat i barnehagen

Torsdag er dag for smøremat i Uskedalen barnehage. Planlegging av måltida ein skal ha byrjar alt tidleig i veka. Det vart bestemt at havregrynsgraut skulle kokast og serverast til frukost. Til middag skulle vi ha fiskekarer, grønsaker og makaroni. Dette er noko alle barna i barnehagen likar veldig godt.


Det passa fantastisk bra når Marit leiar for Brødrene Hjønnevåg fekk høyrde om at vi hadde planlagd fisk til middag i barnehage, og ynskte i denne samanheng å gje oss ei kulinarisk smaksoppleving i form av ulike fiskeprodukt. Så KJEKT.

I barnehagen hadde vi no eit variert utval av fiskeprodukt:

 

Røykesild – Varmrøykt Krydderlaks – fiskekaker og fiskeburger.

 

Så kom torsdagen. Barna gleda seg til smøremat, men mest av alt gleda dei seg til å få laga maten. Fiskeprodukta vart lagt fram. Barna viste at det skulle steikast fiskekaker, men at vi også skulle ha røykesild og varmrøykt krydderlaks var ei overrasking. Kva er dette? Mange av barna hadde aldri smakt verken varmrøykt krydderlaks, eller røykesild. Ungane syntes at røykesilda lukta ganske sterkt og kva var det eigentleg som låg oppå laksen? Dette var spennande og kanskje litt skumelt.

 

Ungane snakka seg i mellom:  Tørr eg å smaka? Eg trur ikkje eg likar sånn. Eg har aldri smakt sånn fisk før. Bestefaren min han ete sånn fisk. Eg har smakt sånn fisk, og det er kjempe godt.

 

Fulle i forventningar starta ungane og dei vaksne med å førebu matlaginga. Fyrst av alt må alle vaske hendene sine. Så var det bare å setje i gang.  Kva skal vi gjera med fiskekakene, laksen og silda? Kva tilbehør treng vi ? Og kva reiskapar må vi finna fram? Kven skal steika fiskekakene, og kven skal skrella gulrøtene? Nokon må dekka på bordet. Kor mange fat må vi finna fram? Kva skal vi drikka? Viktige avgjersler vart teke, og ansvarsoppgåver vart fordelt. Alle måtte hjelpa kvarandre, venta på tur og samarbeida.


Resultatet vart kjempebra. Stolte kokkar kunne setja seg til bords.  På fatet låg det ein smak av laks, sild og fiskekake, samt grønsaker og makaroni. Mange ulike smaksopplevingar.

 

I barnehagen vår er det ikkje greitt å seia: ÆSJ det likar eg ikkje. Eller det er ekkelt.

Under mottoet vårt:

 Det er lov å smake og ikkje lika maten, men det er ikkje lov og ikkje lika maten før du har smakt

 

Skulle alle saman smaka på dei ulike fiskerettane.. Vi har og ein regel som seier det er lov å spytta ut det ein ikkje likar, og det er lov å få meir av den maten ein likar. Så var både små og store klar til nye smaksopplevingar.

 

Mange av barna var veldig tvilande til å smaka røykesilda, men alle smakte. Enkelte likte det så godt at dei ville berre eta røykesild etterpå, medan andre hadde laks, eller fiskekake som favoritt. Dei fleste ungane syntes også at vamrøykt laks varma i steikeomnen, var betre en kald varmrøyk laks. 


Dette vart eit vellukka måltid. Ungane var samde i at dette var kjempegodt. All fiskematen var nesten heilt oppeten. Det låg kun ein liten bit med varmrøykt laks igjen på fatet og litt makaroni.

 
 

Vi vil takka Brødrene Hjønnevåg ved Marit Hjønnevåg for eit fantastisk måltid, og nye smaksopplevingar.

 
 

Tekst/foto: Ann Irene Sæle

Nett/redigering: Kristian Bringedal

 
 
Klikk på bilete for full storleik
Fiskematen er komen på fat og er klar for servering.
 
 
  Tilbake

 
Lesarbilete
Notisar
14.08.2020
Maria Malmsten - også dirigent for Husnes Blandakor.
Maria Malmsten vert frå sesongstart dirigent og musikalsk leiar for Husnes Blandakor. Ho held fram med den same oppgåva i Røysterett for Alle, noko ho har gjort frå hausten 2006. Oppstarten i uskedalskoret vert kunngjort etter eit styremøte i neste veke.

kb
13.08.2020
Ny produksjon av handelnett og turkoppar.
Det går unna på handlenetta og turkoppane, designa og produsert av Monica Hansen. No er det tinga 50 stk. nye handlenett og 120 stk. turkoppar. Handlenettet har namnet Uskedalen og eit hjarta. Turkoppane har namna på fjelltoppane i Uskedalen. Dei lokale produkta vert selde på SPAR.

kb
13.08.2020
Sommarkonsert i kyrkja, måndag 17. august kl. 19.00.
Det vert Sommarkonsert med kantor Eva Megyesi og song- og musikkgruppa Rustne Menn i Uskedal kyrkje måndag 17. august kl. 19.00. Kantoren står for orgeltonar, jazz, swing og elles mykje fin musikk. Rustne Menn framfører tonar til både kjende og eigne omsette tekstar. Alle er velkomne i kyrkja på fyrstkomande måndag.

kb
12.08.2020
Bil utfor vegen tysdag kveld.
Naudetatane rykte ut til ei bilulukke i går kveld kring kl. 22.30. Det var utførkøyring. Den kvinnlege føraren i 40 åra vart ikkje skada. Alkotest synte utslag. Saka ligg på nettsida til Kvinnherignen og er open for alle.

kb
09.08.2020
Informasjon om skulestarten.
Velkommen til nytt skuleår! Det vert skulestart for alle elevane ved Uskedalen skule måndag 17.august frå kl. 08.20. Elevane, som skal starta i 1.klasse, møter kl. 09.00. Ved skulen vår startar det 11 elevar i 1.klassen dette året, og vi vil vera 95 elevar ved skulen totalt.

Rektor
07.08.2020
Haustplan for Uskedal Bedehusforsamling.
Uskedal Bedehusforsamling har lagt ut alle møta for hausten 2020. Her er datoane for møta i august: 9. og 23.  September: 6. og 20. Oktober: 4. og 18. November: 1., 15. og 29. Alle møta tek til kl. 11.00. Sundag 13. desember kl. 16: Vi syng jula inn. Fredag 25. des: 1. juledagsmøte. Alle er velkomne til møta på Bedehuset.

kb
07.08.2020
Stengd inntil vidare for elvefiske frå sundag 9. august.
Det er lite vatn i elva. Det er grunnen til at det vert stengd for fiske frå sundag 9. august kl. 18.00 og inntil det vert nok vatn for opning igjen. Melding kjem på heimesida og på Uskedalen.no.

Styret
07.08.2020
Thaivogna opnar i dag, fredag 7. august.
Thaivogna har vore stengd i to veker. I dag, fredag 7. august, er mattilbodet på plass og er ope etter vanlege opningstider.

kb
05.08.2020
Tomtegropa i Halsabrotet er sikra.
Det er utført arbeid med å sikra byggetomter i Halsabrotet. Arbeidet er sluttført og skrenten ned til tomtegrop er sikra med gjerde mot vegen som går inn i byggefeltet. Arbeidet er solid utført med netting og støypte fundament for stolpane.

kb
05.08.2020
Gunslingerkonserten 4. sept. på Dønhaug er utseld.
Konserten og dansen med gruppa Gunslingers fredag 4. sept. er utseld. Alle dei 200 billettane er kjøpt og betalt. Koronarestriksjonane gjer at ingen får gå ut og inn under arrangementet. Porten vil vera open ein time, frå kl. 21 til kl. 22. Det kan bli endring dersom FHI legg inn nye føringar for slike arrangement. Det er Magne Huglen som melder dette i dag. Meir info om sjølve gjennomføringa kjem seinare.

kb
Siste Nyhende
14.08.2020
Nytt skuleår og nytt læreplanverk.
Skulane startar måndag 17. august. I Uskedalen møter 11 elevar i 1. klasse og totalt er elevtalet 95. Det er ein nedgang frå året før. Det samla elevtalet i Kvinnherad er 1568. Av desse er det 137 elevar som går i 1. klasse. Rosendal ungdomsskule har i år 142 elevar mot 158 året før. Av desse kjem 43 elevar frå Uskedalen som på kvart årssteg er fordelte på to klassar.
13.08.2020
Norskekysten på langs med Jan H. Sunde som reiseleiar på MS SUNNHORDLAND.
Jan H. Sunde i RunWay - Norway ligg ikkje på latsida. 20. august er han ferdig med sommarjobben sin som resepsjonist på Olden Fjordhotel. Same dagen går han om bord i hurtigruteskipet MS FINNMARKEN som reiseleiar for norske gjester på turen Bergen - Kirkenes - Bergen. Ikkje nok med det. Deretter vert det ein tur til med hurtigruta før han er klar for turen med MS SUNNHORDLAND frå Tromsø til Bergen/Leirvik i tidsperioden 20. - 25. september.
12.08.2020
Stemningsfull konsert i kveldssola på Stemneplassen.
Eit femitals menneske fann vegen til Stemneplassen i kveld for å vera med på friluftskonsert på det vakre friområde sentralt i Uskedalen. Arrangøren Uskedal Friluftslag er godt nøgd med frammøte i det fine og til tider svært varme veret. Konsertaktørane Uskedal Musikklag og Rustne Menn gjennomførte sine program etter oppsett plan og etter det vi kunne registrera, likte publikum repetoaret til begge gruppene.
10.08.2020
Nye elevtoalett står klar til skuleestart.
Kvinnherad kommune har renovert elevtoaletta på Uskedal skule i sommar. Dei gamle var slitne og lite tilpassa dagens krav til hygiene og personleg komfort. Kvinnherad Bygg har hatt jobben med fornyinga. Alt røyrarbeid er gjort av Husnes Røyr. Elektro: Teknisk Bureau. Sektorleiar i Kvinnherad kommune, Knut Bjørvik, har hatt tilsynet med arbeidet.
10.08.2020
Friluftskonsert med Musikklaget og Rustne Menn på Stemneplassen.
I morgon, tysdag 11. august kl. 18.00 vert det skipa til ein uformell og publikumsvenleg konsert på Stemneplassen. Uskedal Musikklag og Rustne Menn står for programmet. I tillegg vert det leikar og vedlotteri. I det fine veret kan det bli ei gild stund for fastbuande og tilreisande gjester.
08.08.2020
Singing Tweens og Småbarnstreffet er klar for oppstart.
Alt klart for ein ny sesong for songgruppa Singing Tweens. Samlingane er på Uskedal Bedehus. Singing Tweens er for born, som likar å syngja, frå 1. klasse og oppover.  Samlingane vert gjennomførte med bakgrunn i Covid 19 og smittevernreglane.
07.08.2020
Kvinnherad Vekst er tilbake til ordinær drift med vanlege opningstider.
Kvinnherad Vekstbedrift er tilbake til ordinær drift og med opningstider slik det er kunngjord på skilt og på heimesida deira. Opningstida på avdeling for trelast er: Kvardagar frå kl. 08.00 til kl. 16.00. Laurdagar: kl. 09.00 til kl. 14.00. Kvinnherad Vekstbedrift, avdeling Trelast i Beinavikjo er godt skilta frå Fylkesvegen og vidare fram til lageret deira i Beinavikjo. På sikt vert alt arbeid knytta til verkstad, ved, betong og trelast samla på Vikjo. Vask og kantine vert verande i noverande lokale.
06.08.2020
SeaDream Yacht Club innstiller cruisetrafikken inntil vidare.
Cruisetrafikken med SEADREAM 1 og SEADREAM 2 vert innstillt inntil vidar. Årsaka er at ein dansk passasjer på cruise i perioden 21. juli til 2. august testa positivt på koronasmitte. Det var nok til at Folkehelseinstituttet bestemte at ingen får gå i land på kystcruisa i Noreg. Dermed var det ingen SEADREAM skip å sjå i Storsund i dag, 6. august.
06.08.2020
To kroner i pant er betre enn smertefulle dyrelidingar.
Det er klart for håslåtten og store areal er klar for hausting langs fylkes- og kommunevegane i Uskedalen. Kvart år er det eit problem med flasker og boksar, som er kasta ut i graset frå forbipasserande bilistar i Uskedalen. Dette er ei sterk oppmoding frå landbruksnæringa om å ikkje kasta pant i graset.
Sponsorar
Rabben feriesenter
Eidsvik Eigedom AS
Kvinnherad Vekstbedrift AS
Kvinnherad Elektro
Uskedal Båtlag
Spar
Gros Blomster
Solheim Turiststajson
Kvinnherad Renhold service
Uskedal Røyr og Multiservice
Auto 88
Ospelunden
Brødrene Hjønnevåg AS
Kvinnherad Energi AS
S. Rødsten Bilforretning A/S
Kvinnherad Breiband
Stord Lufthamn
Zjakk Frisørsalong
kvinnheringen
Sparebank 1 SR bank ASA
Grenda
Tysnes Sparebank
iDrift AS
Kvinnherad Breiband
Utvikla av iDrift AS