Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Korps i god form, vinnarlukke og mykje godt attåt!

10.03.2019
Klikk på bilete for full storleik
Eit absolutt høgdepunkt var stykket Share my Yoke med Thea Soltveit Taranger som solist på flügelhorn
 
Den årlege skulemusikkbasaren vart også i år ei svært kjekk oppleving.  Mange hadde funne ut at dette var beste måten å tilbringa søndagsettermiddagen på, og det var fullt rundt borda i Aktivitetshuset då det topptrimma korpset sette an første tonen. På ein knapp halvannan time fekk publikum flott musikk, spenning og ei kaffiøkt med mykje godt!
 
Klikk på bilete for full storleik
Rosendal skulekorps/Uskedal skulemusikk er i god form før Hordablæsten.
 
 
Første post på programmet var skulekorpset si konsertavdeling.  Fredag, lørdag og i dag hadde dei hatt seminar på programmet dei skal spela i konkurransen Hordablæsten om to veker.  På seminaret hadde Jule S. Olsen og Christine Egeland vore instruktørar i tillegg til dei faste dirigentane Tor Skeie Olsen (Uskedal skulemusikk) og Nick Hughs (Rosendal skulekorps).  I tillegg hadde korpsforeldre sytt for både taco, hamburgarar, bollar og anna godt som musikarane kunne kosa seg med. 
- Dette er ein viktig del av seminaret, og har vore avgjerande for at musikarane har vore så fokuserte på oppgåvene i helga, sa Tor Skeie Olsen like før korpset skulle i elden.  Han var veldig godt fornøgd med innsatsen til både musikarane og foreldra i helga. 
- Vi har fått jobba kjempegodt og har fått gjort mykje, la han til.  Korpset skal på scenen i Hordablæsten på søndagen, men alt dagen før skal to av musikarane, kornettisten Maren Grøtte og Nils Rainer Vågen på euphonium delta i solistkonkurranse.  Det er flott at lovande musikarar hiv seg med i slike konkurransar.
 
Korpset hadde ei fin opning av konsertavdelinga med 1.sats av Appalachian Mountain (Fok Song Suite) av James Curnow.  Den gode starten vart fulgt opp av det nydelege solostykket  Share my Yoke (Joy Webb/Ivor Bosanko).  Thea S. Taranger var solist på flügelhorn, og den oppgåva kom ho glimrande frå.  Dette var nok konsertens høgdepunkt for underteikna sjølv om det også var skikkeleg føredrag, trøkk og presisjon i avslutningsnummeret, den gode marsjen Slaidburn av William Rimmer i eit arrangement av Matt Kingston.  Ei flott konsertavdeling som viste at korpset er godt i rute til Hordablæsten om 14 dagar.  Den var også eit bevis på at det tettare samarbeidet mellom Rosendal skulekorps og Uskedal skulemusikk denne sesongen er ein suksess!  Saman er dei eit svært godt skulekorps med god besetning!
 
Etter konserten var det klart for to omgangar med åresal.  Mellom åreomgangane var det kaffiøkt med masse godsaker på kake- og dessertbordet.  Basar er gøy, og særleg når vi vinn!  Og her var det mange glade vinnarar!  Det gevinstbordet var berre heilt ubeskriveleg!  Monica Hermann og Haldis Åkra i styret i USM var også imponert og takksame overfor alle som hadde bidrege med gevinstar.
- Det er heilt fantastisk!  Firma er positive, og bygdefolk og foreldre kjem med gevinstar.  Nokre kjem med flotte handarbeidsgevinstar dei har laga utan at dei er spurde.  Dette er veldig kjekt for oss som er i styret.  Tusen takk til alle som har bidrege, seier dei to styresmedlemene.
 
Resultatet av den innsatsen og den flotte jobben som styret gjer, vart ei super ettermiddagsstund for oss som var der.
 
Tekst, foto og nett:  Thor Inge Døssland 
 
 
 
  Tilbake

 
Lesarbilete
Notisar
22.05.2019
HV øving frå 22. til 27. mai.
Det vert gjennom HV øving i perioden 22. - 27. mai langs vegane i område Omvikdalen - Matre - Fjellhaugen. Det er som vanleg skytetrening på Midthølen. All militær aktivitet er varsla og skilta.Områdesjef er Tor Vidar Sæle frå Uskedalen.

kb
21.05.2019
Trening til SPAR løpet på onsdag kl. 17.30.
Det vert trening til SPAR løpet onsdag i denne veka kl 17.30 - 18.30. Frammøte på Sandakaien. Alle skal få springa sin løyper. SPAR løpet er på laurdag med start kl. 13. Påmelding på Uskedal Idrettslag si nettside.

kb



20.05.2019
Damejakke funnen på stien mot Solfjell.
Ei damejakke, storleik 46, vart i dag kl. 12 funnen på stien opp mot Solfjell. Jakka er lys/grå og har merke Endurance. Jakka er teken vare på og kan hentast hos Konstanse Tveit, mobil: 95195861.

kb
20.05.2019
Fellesgudsteneste for Kvinnherad i Uskedalen, 2. juni.
Det vert fellesgudsteneste for alle 12 kyrkjene i Uskedalen sundag 2. juni kl. 11. Dette har vore prøvd før med godt frammøte. Kyrkjekoret Nordsaang vert med. Etter gudstenesta vert det kyrkjekaffi med mat i Strandstovo, i Båtlaget sitt nye velferdsbygg.

kb
17.05.2019
Ei inkluderande 17. mai feiring i Uskedalen
17. mai i Uskedalen samlar folk frå mange nasjonar. I dag talde vi representantar frå  minst 13 land, - Tyskland, Sverige, Belgia, Spania, Brasil, Nederland, Ukraina, Litauen, Somalia, Syria, Ungarn, Polen og Noreg. Nokre er truleg utelatne.

kb
16.05.2019
Kom og høyr Jostein Soldal på Stemneplassen.
Jostein Soldal skal ha talen på Stemneplassen i morgon, 17. mai. Jostein er elev i 10. klasse ved Rosendal ungdomsskule. I helsinga vil han ta fram kva eldre og unge legg i omgrepa fred og fridom. Fridom er ikkje sjølvsagt, sjølv om hans generasjon ikkje har opplevd noko anna. Kom og høyr Jostein Soldal på Stemneplassen.

kb
14.05.2019
Ta vare på vipa.
Harald Sætre Arnevik stod fram på NRK1 i kveld med oppmoding om ta vare på vipa. Harald og Kjelrun Eik driv gard på Halsnøy og på Eik i Uskedalen. Vipebestanden er sterkt redusert og Sætre Arnevik er ein av fleire bønder i Hordaland som i gardsdrifta legg inn tiltak for å berga vipa i den viktige tida då fuglen legg egg, i klekkinga og 21 dagar fram til fuglen er flygedyktig.

kb
14.05.2019
Guatemalabesøk på Bøkkeren i morgon, onsdag 15. mai.
Kvar gong det er Guatemalabesøk i Kvinnherad, vert gjestene saman med venskapsgruppa inviterte til Bøkkerverkstaden på Rød. Vermeldingane er gode. Det vert lagt opp til langbord med benker på kaien. Menyen er lubbesild, poteter, flatbrød og alkoholfritt øl. Samlinga på Rød er frå kl. 18.

kb
11.05.2019
På vinnarlaget i Holmenkollstafetten.
Thomas Myklebust Heggøy(Rabben Feriesenter) var på Gular sitt vinnarlag i eliteklassen då Vårens vakraste eventyr vart arrangert i dag.  Gular var over minuttet føre Strindheim som vart nr. 2. IL Tjalve vann kvinneklassen.  Fleire uskedelingar sprang på ulike lag i den populære stafetten.

tid
10.05.2019
Kyrkjegardsboka vert seld og signert på SPAR i dag.
Kyrkjegardsboka KJÆRT ER MINNET vert signert på SPAR, Uskedalen i dag, fredag 10. mai, mellom kl. 16.00 og kl. 18.00. Forfattar Morten Nygård er på plass og skriv helsing i boka. KJÆRT ER MINNET, bind 1, har med to artiklar frå Uskedalen, tilsaman på 30 sider.

kb
Siste Nyhende
21.05.2019
Ingvar Havnen talar på haustfesten i Ungdomslaget.

Tidlegare ambassadør Ingvar Havnen frå Rosendal har takka ja til å vera talar på haustfesten i Uskedal ungdomslag laurdag 19. oktober. Det er den femte haustfesten etter at ein gjenskapte det som var ein fast tradisjon i ungdomslaget i alle år. Ingvar Havnen, fødd 1951, vaks opp og gjekk på skule i Rosendal til ferdig realskule. Etter gymnaset bar det til Oslo som student.
21.05.2019
Unge lovande løparar frå Holmen i Uskedalen.
Viljar og Amund Berge-Soldal er brør og bur på Holmen. Amund er 12 år og har alt vore ein aktiv løpar nokre år. Viljar er berre 6 år og debuterte på Maileikane i Haugesund i helga som var. Amund vann sin klasse med ny stevnerektord på tida 5.00.5 minuttar.
19.05.2019
Ekstraordinært årsmøte i Uskedal Vassverk 27. mai.
På årsmøte i Uskedal Vassverk 8. mai vart det gjort vedtak om justering av vassavgiftene ved overgang til 8 ulike prisgrupper. Nye vassgifter er bestemt med vanleg fleirtal på årsmøte. Saka på ekstraordinært årsmøte gjeld vedtekstendring § 14. Sjå meir om innkalling og kva styret skriv:
18.05.2019
Grasrotandel til ni lag og organisasjonar i Uskedalen.
Norsk Tipping med Grasrotandelen overfører i desse dagar midlane for første 4 månadene i 2019 til frivillige lag og organisasjonar registrert i Brønnøysundregisteret, tilsaman kr. 860.000 til laga i Kvinnherad. Ni lag i Uskedalen er godkjend for løyving. For perioden 1.januar til 30. april 2019 utgjer summen rundt kr. 60.000,-. Uskedal Idrettslag toppar lista med kr. 32.35,- før Uskedal Skulemusikk med kr. 13.241,-
18.05.2019
Å. leva det er å elska det beste di sjel fekk nå.
Knut Førland siterte Anders Vassbotn i talen sin på 17. mai i Uskedalen. Målet må vera eit betre liv for alle, mellom anna for ungdomen som slit med prestasjonspress og karakterjag. Inkludering og støtte er viktig, ikkje minst med tanke på dei som flyttar til landet og buset seg i Kvinnherad. Dette var noko av det Førland var innom i ein god tale til eit lydhøyrt publikum.
17.05.2019
17. mai feiring i varmt og fint ver.
Salutt - gudsteneste - minnemarkeringar - folketog - korpsmusikk - korsong  - tale for dagen - soloinnslag - leikar for born og vaksne og matsal. Ja, slik er 17. mai i Uskedalen. I det fine veret med langhelg for mange var det mindre folk å sjå i kyrkja og i Aktivittetshuset. Frammøte ved Bauasteinen og på Stemneplassen var om lag som det har vore før.
16.05.2019
Alt er under kontroll dagen før dagen.
Det meste er på plass dagen før dagen. Skulemusikken og Musikklaget øver på spreng. Det meste av rigginga vert gjort i løpet av dagen. Det gjeld bord, stolar og pynting. Premiane skal på plass. Det same med blomedekorasjonar og blomehelsingar. Kaker vert bakt og gjort klart til kafesal i Aktivitetshuset. Leiar i programkomiteen, Line Soltvedt, og medlemene Ronny Lakselv og Ivar Gundersen takkar for godl støtte frå bygdefolket.
15.05.2019
Odd Steinar Arnesen - ny rektor på Uskedal skule.
Odd Steinar Arnesen er i dag tilsett som ny rektor på Uskedal etter Stig Berge-Soldal. Berge-Soldal er frå 1. august tilsett som rektor på Husnes ungdomsskule. Arnesen er 51 år, har lang tenestetid ved Uskedal skule og har i lange periodar vore assisterande leiar. Han er adjunkt med tilleggsutdanning. Odd Steinar Arnesen tek til i den nye stillinga 1. august.
14.05.2019
Seminar på Moster om Olav den Heilage som lovgjevar.
Professor Jørn Øyrehagen Sunde har i haust arbeid med tema: Olav den Heilage som lovgjevar. Vi er særs takksame for at Øyrehagen Sunde har valt å presentere resultatet av sitt faglege arbeid på årets Mosterseminar, 1. Pinsedag, 9. juni kl. 13.30 i Amfisalen.
Sponsorar
Kvinnherad Energi AS
Eidsvik Eigedom AS
Spar
Ospelunden
Gros Blomster
Stord Lufthamn
Uskedal Båtlag
Auto 88
Kvinnherad Breiband
Kvinnherad Elektro
Brødrene Hjønnevåg AS
Elins Matgleder
Uskedal Røyr og Multiservice
Solheim Turiststajson
S. Rødsten Bilforretning A/S
kvinnheringen
Kvinnherad Vekstbedrift AS
Tysnes Sparebank
grenda
Kvinnherad Renhold service
Zjakk Frisørsalong
Sparebank 1 SR bank ASA
Byggeriet
iDrift AS
Kvinnherad Breiband
Utvikla av iDrift AS