Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Profilering - tema på årsmøte i Uskedal utvikling.

06.02.2019
Klikk på bilete for full storleik
Marit Hjønnevåg og Anja Strüter har vore sentrale i profileringa av Uskedalen den siste tida.
 
Profilering var tema på årsmøte i Uskedal utvikling. Anja Strüter fortalde om innspelinga av programmet Der ingen skulle tru at nokon kunne bu, frå fyrste kontakten med redaksjonen til ferdig program. Marit Hjønnevåg, dagleg leiar i Hjønnevåg AS, tok oss med på ei kort historisk reise og vidare om det å vera fiskematprodusent med fagkunnskap, hardt arbeid og strenge krav til kvalitet.
 

Profileringa frå Skorpo omfatta også reportasje i vekebladet Hjemmet med film på Facebook. Journalisten var Gunn Gravdal Elton. I innlegget fekk ein lov å ta med informasjon og reklame om Anja si terapiverksemd. Familien i Vågen driv også utleige gjennom Airbnb.

 

NRK redaksjonen var nøyen på kva dei ville ha med i programmet. Fokus var famlien på Skorpo med gardsdrifta, gutane sine fritidsaktivitetar og Anja som tilflyttar frå Tyskland. Kars Heinz er med i gardsdrifta. Han vart synt fram med hobbyen sin som trommis i siloen. Anja er takksam for det ein har fått til. Ho takkar Thor Inge Døssland som er fink med tips og få fram gode saker for media.

 

Hjønnevåg kan syna til samanhengande drift sidan 1948. Det har vore ei god drift, men også krevjande periodar. Bestefar hennar, Henrik Hjønnevåg, kom frå Hjønnevåg i Solund. Han dreiv med brønnbåt på kysten.Tyskarane konfiskerte båten og familien flytta til Uskedalen våren 1940. Sønene Alf og Harald tok over og flytta verksmda til Børneset i 1983. Marit har vore dagleg leiar sidan 2003.

 

Markedet starta med Kvinnherad, vart utvida til heile Sunnhordland og seinare med sal nasjonalt. Verksemda har i dag 12 tilsette. Alle er fast tilsette. Hjønnevåg kan ta inn lærlingar. Interessa for faget er lita. Marit er sjølv med i styret for opplæringskontoret der ein prøver å profilera sjømat og fiske som eit fag. Hjønnevåg er stor, mellom anna på på torsk, lutefisk og pepparmakrell

 

Marit fortel om utfordringar i markedet med sterke kjeder. Det er noko ein må forholda seg til. Hjønnevåg eig ledig areal på Børneset, dersom det er aktuelt med utviding. Det vert jobba eit skift i dag. Det er potensiale i bygningmassen for større produksjon.

 
 

Tekst/foto/nett: Kristian Bringedal

 
 
 
 
 
Klikk på bilete for full storleik
Ein reportasje i vekebladet Hjemmet har stor marknadsføringsverdi for Uskedalen og Kvinnherad.
 
 
  Tilbake

 
Lesarbilete
Notisar
21.09.2019
Røysterett for Alle på korseminar i Skånevik.
Røysterett for Alle brukar helga til korseminar på hotellet i Skånevik. Nytt korstoff vert øvd inn. Instruktør er koret sin musikalske leiar, Maria Malmsten. Koret sine stemmeøvarar hjelper til. Røysterett for Alle skal mellom anna vera med på haustfesten i Ungdomslaget, laurdag 19. oktober.

kb 
19.09.2019
SpareBank 1-stiftinga med gåver til ålmennyttige føremål.
Søknadsfristen for tildeling av gåver til ålmennyttige føremål, hausten 2019, frå SpareBank 1-stiftinga Kvinnherad er 15. oktober. Mange gode tiltak har motteke midlar frå Kvinnheradstiftinga. Prosjekt, som før har fått avslag, kan søkja på nytt.

kb
18.09.2019
Godt billettsal til Jazz og Krim på Dønhaug, fredag 4. oktober.
Det er berre 20 billettar att til jazzkvelden fredag 4. oktober i Dønhaugkjedlaren. I Uskedalen er det nokre få billettar på SPAR, litt fleire på Kvinnherad Libris, Husnes, og på Rosendal Bokhandel. Det er venta at alle billettane vert selde.

kb
17.09.2019
Klart for idrettsmerketaking.
Mandag 23. september og mandag 30. september vert det idrettsmerketaking på Heio. Frammøtet begge dagar er kl.18, og dei ansvarlege håpar mange vil møta opp også i år.

tid
17.09.2019
Hobbydag på Singing Tweens i morgon kl. 17.
Onsdag 18. september kl. 17 vert det Hobbydag i koret Singing Tweens. Samlinga er på Bedehuset. Nye og tidlegare songarar er velkomne til å vera med.

Nelly
17.09.2019
Ros til konfirmantane og soknepresten.
- I helga var eg på eit kjempekjekt jubileumstreff for konfirmantar i Uskedalen.  Det vart avslutta med gudsteneste og festmiddag.  I gudstenesta vart årets konfirmantkull presentert. Det var verkeleg kjekt å følgja med på kor fint dei sat på dei 3 fremste benkene, og kor flott dei deltok i song og litturgi i gudstenesta. Ros også til sokneprest Reidar Ådnanes som registrerte dette og gav dei flotte ungdommane velfortent ros. Elles er det alltid kjekt å høyra Ådnanes både i tale og flott song, rosar ein av konfirmantjubilantane.

tid
15.09.2019
Mindre skriving på uskedalen.no i denne veka.
Sidan redaktøren er noko indisponibel og redusert i denne veka, vert det mindre skriving på nettsida. Dei som har innlegg eller viktige meldingar/ notisar, send til uskedalen.no@gmail.com .

Red.
15.09.2019
Liten plastbåt rek i land på Stølavikjo.
Ein liten lys - grå plastbåt ( gummibåt ) rek opp i fjæra ved Målanaustet i Stølavikjo i dag. Båten er sikra og dregen på land. Eigar kan henta båten der.

kb
13.09.2019
Det nye soknerådet i Uskedalen.
Desse er valde inn på fast plass i det nye soknerådet i Uskedalen: Sigmund Myklebust, Eli Roseth Eik, Kristian Bringedal og Liv Sæbø Eik. Varamedlemer: Hallgeir Snilstveit, Arne Møller, Einar Gjertsen, Kåre M. Rød og Frode Seim. Soknerådet vel sjølv leiar, nestleiar, skrivar og kasserar.

kb
13.09.2019
Musikklaget med klart NEI til vindmøller.
Uskedal musikklag har sendt høyringssvar der medlemmene seier eit klart nei til vindmøller i Kvinnherad.  Dei håpar også at mange andre lag gjer det same.  Lagslivet er eit viktig bidrag til at Kvinnherad er ein god plass å bu, og kan naturleg nok ikkje godta at den vakre naturen, som det viktige bidraget til god livskvalitet, vert rasert!  Vi kjenner også til at fleire av medlemmene sender eigne høyringssvar i tillegg.

tid
Siste Nyhende
20.09.2019
Sykelistar frå mange land med fast stopp i Uskedalen.

Syklelistar frå mange land har vore eit fast innslag i Uskedalen i sommar. Mest kvar tysdag i 11 tida kjem sykkelturistane innom Kafe Tiaren før turen går vidare på sør til ferja på Utåker. Det er reiseoperatøren Discowery Norway som sel og marknadsfører desse turane. Uskedalen.no har møtt fleire grupper i sommar, no sist to ektepar frå Melbourne i Australia.
19.09.2019
Klart for påmelding til haustfesten i ungdomslaget.

Den tradisjonsrike haustfesten i ungdomslaget vert i år skipa i Helgheim laurdag 19. oktober. Malen er slik det har vore dei siste fem åra, med program, mat og dans. Det vert lagt ut 100 billettar for gjester og frivillige på festen. Haustfesten vert definert som ein dugnadsfest der aktørar, som vert med på heile festen, og komitemedlemer også melder seg på og må betala halv inngangsbillett.
18.09.2019
Etterlyser originalfoto til dette motivet på DS CLUPEA.
Johanne Ø. Tvedten frå Sunnhordland Museum spør om nokon i Uskedalen kan ha originalen til dette bilete. Ho skriv og redigerer Sunnhordland Årbok og ynskjer å bruka bilete i ein artikkel. Mannen i uniform er stuert Svein Myklebust frå Uskedalen. Dessutan var nokre av mannskapet på fabrikkskipet DS CLUPEA frå Uskedalen.
17.09.2019
Uskedal Idrettslag toppar Grasrotlista.
Ni lag og organisasjonar i Uskedalen er ein del av Grasrotandelen frå Norsk Tipping. Bakgrunnen er at deler av tippemidlane går til frivillig arbeid. Kravet er at den som tippar, har registrert kva lag ein ynskjer løyvinga skal gå til. Organiasjonen må vera registret i Frivilligregiseret. Heile 145 lag i Kvinnherad får utbetalt midlar frå Grasrotandelen. Av desse er 9 lag frå Uskedalen.
15.09.2019
Konfirmantane 2020 vart presentert i kyrkja.
Dei nye konfirmantane vart presentert i kyrkja i går, sundag 15. september. Talet er 14 og Reidar Ådnanes vert presten deira fram til han sluttar og går av med pensjon i desember. På eit møte med konfirmantane og foreldra deira etter gudstenesta i går vart det orientert om konfirmasjonsførebuinga og evt. kva som vil skje i tida etter jul og fram til konfirmasjonen i mai månad.
15.09.2019
Ei minnerik helg for konfirmantjubilantane.
To minnerike dagar for konfirmantjubilanten er over. No er det to år til Soknerådet på nytt inviterer dei som vart konfirmerte for 50, 60, 70 og 80 år sidan, forenkla sagt. Sidan samlinga er 2. kvart år, vert det dobbelt opp av årsklassar. Den eldste konfirmanten i år var 80 års jubilanten, Kari Hermansen.
14.09.2019
Store og kreative tankar om eit klatre- og aktivitetssenter i Uskedalen.
Prosjektgruppa for Klatre- og aktivitetssenter i Uskedalen inviterte til ope møte torsdag i denne veka. Frammøte var godt og det kom fram kreative tankar om kven som er brukargruppa, om innhaldet, om plassering og ikkje minst om utsjånad og estetisk uttrykk slik bygget ligg samlokalisert med skulen i sentrum og tett i strandsona. Representantar frå kommune, fylkeskommune og SpareBank 1- stiftinga, Kvinnherad var med på møte. 
13.09.2019
Konfirmantjubileum og konfirmantpresentasjon.
I helga er alt klart for konfirmantjubileum og presentasjon av dei nye konfirmantane i Uskedal Sokn. Konfirmantjubileet vert gjennomført 2. kvart år der ein dennne gongen inviterer og samlar kulla frå 1948 og 1949, 1958 og 1959 og 1968 og 1969. Dette utgjer 70-, 60- og 50 års jubilantane. Eit av kulla samlast alt i kveld til uformelt samvære på Stemneplassen.
12.09.2019
Frå Uskedalen til vindkraftdemonstrasjon ved Stortinget.
Den tverrpolitiske markeringa mot vindkraft på land i Oslo sist helg samla over 1000 demonstrantar frå heile landet. I ei gruppe frå Kvinnherad på 20 personar var Uskedalen på plass med Marie Døssland, Astrid Døssland og Mona Vetrhus. Det var ei roleg og verdig markering med talar, appellar og kunstnarlege innslag.
Sponsorar
Kvinnherad Energi AS
Eidsvik Eigedom AS
Spar
Ospelunden
Gros Blomster
Stord Lufthamn
Uskedal Båtlag
Auto 88
Kvinnherad Breiband
Kvinnherad Elektro
Brødrene Hjønnevåg AS
Elins Matgleder
Uskedal Røyr og Multiservice
Solheim Turiststajson
S. Rødsten Bilforretning A/S
kvinnheringen
Kvinnherad Vekstbedrift AS
Tysnes Sparebank
grenda
Kvinnherad Renhold service
Zjakk Frisørsalong
Sparebank 1 SR bank ASA
Byggeriet
iDrift AS
Kvinnherad Breiband
Utvikla av iDrift AS