Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Sterk innsats på kretsnivå.

28.01.2019
Klikk på bilete for full storleik
Linnea M. Ripel gjekk heilt til topps i rennet på Sjusete søndag
 
Dei unge langrennsløparane som deltok i kretsrenna på Sjusete laurdag og søndag, gjorde ein super innsats.  Laurdag gjekk Kvammasprinten, og søndag var det distanserenn i klassisk.  Det var 186 deltakarar i aldersgruppa frå 8 år til senior laurdag medan det var 181 søndag.  Det er kjekt å registrera den gode innsatsen til dei lokale løparane, og det var kvinnheringar på toppen av sigerspallen begge dagar.
 
Klikk på bilete for full storleik
Anna Elisabeth Samland Eik gjorde to gode renn i helga. Her under Kvammasprinten laurdag.
 
Renna var for deltakarar frå 8 år, men det er berre dei som er over 10 år som vert rangerte etter tid.  Blant dei yngste deltok tvillingane Frøy og Trym Sæle, og sjølv om det ikkje var rangering, viser tidene deira at dei gjorde svært gode løp.
 
Elles deltok Birk Sæle(G15), Anna Elisabeth Samland Eik(J14), William S. Eik(G11) og Linnea Myklebust Ripel(J11) begge dagar medan Amund Hella Berge-Soldal(G12) deltok i det klassiske distanserennet søndag.  Alle gjorde ein flott innsats, og aller best var Linnea M. Ripel.  Etter at ho vart nr.2 i kretrenn på Voss for 14 dagar sidan beviste ho at ho er i kretstoppen i sin klasse.  Lørdag slo ho til med ein flott 3.plass i sprintfinalen etter at ho først hadde blitt nr.2 i prologen.  Søndag toppa ho helga med å gå heilt til topps i distanserennet.
 
Klikk på bilete for full storleik
William S. Eik viste lovande takter i konkurranse med dei beste frå heile fylket.
 
 
Klikk på bilete for full storleik
Amund H. Berge-Soldal, midt i bildet, fekk ein flott 5.plass like framfor dei to Ternen-brørne Sondre og Eirik Soma Ersland t.h. for han på bildet.
Også andre kvinnheringar gjekk heilt til topps i sine klassar.  Marcus Enes Seberg, OIL/Vossalangrenn, vann klassen sin(G14) i det klassiske rennet søndag etter å ha blitt nr.2 i sprinten laurdag.  Søstera Emilie(J12) gjekk heilt til topps i sprinten laurdag.  Det var også fleire andre frå både Omvikdalen IL og IL Ternen som gjorde svært gode løp i den tøffe konkurransen.  Frå 13 år har renna status som kretsmeisterskap, og Marcus Enes Seberg kan dermed titulera seg som kretsmeister.  Fullstendige resultat finn de HER.
 
Kvinnheringane var naturleg svært fornøgde etter rennet.  Renna på Sjusete var ein flott langrennsfest som vart losa vel i hamn av meir enn 30 dugnadsarbeidarar frå arrangørane kvar dag.  Knut Johannes Ripel fortel og at det er veldig kjekt med det gode samarbeidet mellom klubbane i kommunen.  I år har Uskedal IL eit tettare treningssamarbeid med Rosendal TL/ Omvikdalen IL.  Resultatet er eit betre tilbod til løparane både sportsleg og sosialt. Hadde det ikkje vore for avstandane, hadde nok heilt sikkert IL Ternen også vore ein del av dette.  Elles gleder dei alle seg over dei gode snøforholda i skianlegga både i Fjellhaugen og Tveitedalen for tida.
 
 
 
 
Tekst og nett:  Thor Inge Døssland
Foto: Knut Johannes Ripel.
 
 
 
 
 
  Tilbake

 
Lesarbilete
Notisar
17.07.2019
Siste veka med Sommarkafe på Elins Matgleder.
Thea Soltveit Taranger er inne i si siste veke som kafevert på Elins Matgleder i Uskedalen. Onsdag, torsdag, fredag, laurdag og sundag er dei ste dagane i denne omgang. Opningstida er kl. 11 - kl. 17.Silobutikkane er opne i den same tida.

kb
15.07.2019
Dugnad på Kunstgrasbanen onsdag kl. 18.
Det vert invitert til dugnad ved Kunstgrasbanen, onsdag 17. juli, kl. 18. Før det gror til med ugras i det som er planert, vert det fylt på med mold, jevna og gjort klart for såing. Dugnadsgruppa har delvis ferie, men det er viktig å få gjort dette arbeidet no i denne veka. Dugnadsleiar, Pål Haugland, tek mot dei som kjem. Ta med rive.

kb
13.07.2019
Bruk 9 på Myklebust er seld.
Bruk 9 på Myklebust er seld. Det var visning laurdag 16. mars. Eigar har vore Olav Hjetland Bringedal. Eiendomsmegler VEST har stått for salet. Det er lokale kjøparar til eigedomen. Det vert no søkt konsejon før innflytting.

kb
11.07.2019
Ambulansebåten hadde oppdrag i Uskedalen natt til torsdag.
Gulen Skyss sin nye ambulansebåt, Rosedoktoren, hadde eit ordinært oppdrag til person i båt i Uskedalen natt til torsdag 11. juli. Etter vel ein halvtime i Uskedalen kring kl. 01.30 gjekk legeskyssen mot Leirvik.

kb
11.07.2019
Sommarope på Byggeriet.
Opningstidene på Byggeriet i juli månad er: Måndag - fredag: kl. 09 - 16.30. Laurdag: kl. 09 - 13. Dette gjeld både for lager og butikk.

kb
10.07.2019
Sommarjobben min - aktuelle namn.
Kvar sommar skriv Uskedalen.no innlegg til overskrifta Sommarjobben min. Det handlar om ungdom som brukar ferien til jobb. Vi har alt skrive om Thea Soltveit Taranger som driv sommarkafe på Elins Matgleder. Kven andre har sommarjobb ? Meld inn namn og type jobb til redaksjonen og vi tek kontakt. Skriv til: uskedalen.no@gmail.com

Red.
10.07.2019
Ny lekkasje på nettet.
Uskedal Vassverk melder frå om ny lekkasje på nettet. Det går ut 4 liter pr. sekund meir enn det som er vanleg. Styret bed alle vera merksame og melda frå dersom ein ser vatn som kan koma frå ledningsbrot.. Alle med hytter og naust, som ikkje er i bruk heile året, må vera observant. Sjå  særleg etter inntak og stikk inn til husa. Dersom du ser noko som kan vera ein lekkasje, meld frå til Hans Reidar Kjærland på mobil: 99701819.

Uskedal Vassverk
10.07.2019
Elva er stengd for fiske -lite vatn.
Uskedalselva er mellombels stengd for fiske frå i dag, onsdag 10. juli,  kl. 18. Det vert gjort fordi det er lite vatn i elva.

Elveeigarlaget
08.07.2019
Berre 20 billettar igjen til Bøkkerfestivalen.
Førehandssalet til Bøkkerfestivalen på Rød laurdag 17. august går strykande. Det er faktisk berre 20 ledige billettar. Den som vil vita meir om festivalen, ta kontakt med Hallvard Rød på mobil: 91834015. Meir omtale kjem i eige innlegg på Uskedalen.no.

kb
07.07.2019
Friluftsgudsteneste på Skorpo, sundag 28. juli.
De årlege gudstenesta i Vågen på Skorpo vert sundag 28. juli kl. 14. Skyss frå Sandakaien kl. 13. Arne S. Nataas er prest. Det vert musikkinnslag av brørne Nils Rainer og Nikolai Vågen. Meir informasjon kjem seinare i månaden.

kb
Siste Nyhende
16.07.2019
Selstad utvidar produksjonen til landbaserte anlegg.
Utstyrsleverandøren Selstad og design- og ingeniørselskapet Koda har inngått
distribusjonsavtale for kar til smolt- og landbaserte anlegg. Med denne avtalen blir Selstad ein forhandler av både kar, røyr, rørsystem og tilhøyrende teknologi. Med denne distribusjonsavtalen kan Selstad stå for  løysingar for landbaserte anlegg og smoltanlegg utover dei løysngane Selstad alt har i dag innan havbruk.
16.07.2019
Grindbygd halvtekkje med torvtak.
Bjarte Eik er praktisk og hendig. Det siste året har han sett opp ei grindbygd halvtekkje til garasjen. Namnet grindbygg kjem av konstuksjonsmetoden med stavar, bete og skråband. Veggene er kledde med ukanta kledning. På sperra ligg det tro eller vi vil kalla sutak. På laurdag var det torvdugnad der ein skar og la torva på plass.
14.07.2019
Frå Tsjekkia - sundagstur på Manen og Englafjell.
Fyrste turen til Kvinnherad og Uskedalen var i 2015. Det er såleis femte gongen ein reiseoperatør frå republikken Tsjekkia legg inn Manen og Englafjell i Uskedalen som eit årleg turmål. Uskedalen.no nådde i gruppa etter nedstiginga og samling på plenen ved Gamleskulen før retur til Sundal Camping, der gruppa bur.
13.07.2019
Ørnulf Myklebust på tur med ex HALSNØY.
Ørnulf Myklebust bur i Danmark. På torsdag i denne veka var han saman med familien på tur til Roskilde og fekk vera med på tur med MS SAGAFJORD, båten som vi kjenner som MS HALSNØY i Kvinnheradruta i mange år. Johannes Sunde var kaptein, Jan Henrik Hansen var maskinist, Olav Hauge var stuert, alle tre frå Uskedalen. MS HALSNØY, bygd i 1957, gjekk i HSD sine ruter fram til 1981.
12.07.2019
Fleire bør engasjera seg i saka om vindkraft.
Astrid Døssland er klar i uttalen sin om at langt fleire i Uskedalen bør engasjera seg i NVE sine planar om vindkraft i fjella rundt Uskedalen. Astrid saman med Annemor Ekeland brukte dagen til å stå på stand med informasjon om kor omfattande og negativt det vert om NVE når fram med sine planar.
11.07.2019
Klassekameratane som har sommarjobb ilag.
Johannes Haugland og Tord Sæle er begge 20 år og har vore klassekameratar til og med Kvinnherad Vidaregåande skule. Rett nok gjekk dei i ulike klassar på ungdomsskulen, men bort sett frå det, har Johannes og Tord vore i same båt. No er dit saman om den same sommarjobben på Kvinnherad Vekstbedrift og på Byggeriet.
10.07.2019
Cruise in Company vil gå Storsund til Rosendal
I slutten på neste veke vil alle med maritim intereese få sjå mange staselege seglskuter i Storsund på seglasen til Bergen og Tall Skips Races. Etappen frå Fredrikstad til Bergen vert rekna som eit venskapstur der seglskutene har ungdom som medseglarar. Rosendal er ei av sju hamner som er plukka ut til å ta mot store og mindre seglbåtar i eit sosialt fellesskap.
09.07.2019
Sykkelturistar frå Boston ( USA ) var innom Uskedalen og Kafe Tiaren.
Straks Kafe Tiaren opna i dag dukka det opp fire sykkelturistar, faktisk frå Boston i staten Massachussetts, USA. Dei kom med fly via København til Bergen og vil bruka to veker på sykkelen for å sjå fjord- og kulturlandskapet på Vestlandet. Det er fyrste turen deira til Noreg og alt no er dei storleg imponert over det får sjå og oppleva. I Uskedalen fekk dei mellom anna møta Rustne Menn i det dei avslutta øvinga si i Gamleskulen.
09.07.2019
Statistar i Nettflixfilmen Ragnarok.
Fredrik Gisholt Haugland og Viljar Simones Tveit går til filmen. Dei har i fleire veker reist til Odda for å vera med i Ragnarok, Nettflix sin fyrste internasjonale TV serie på norsk. Serien vert spelt inn i Odda og i Danmark.  Ragnaok er eit oppvekstdrama med handling frå norrøn mytologi
Sponsorar
Kvinnherad Energi AS
Eidsvik Eigedom AS
Spar
Ospelunden
Gros Blomster
Stord Lufthamn
Uskedal Båtlag
Auto 88
Kvinnherad Breiband
Kvinnherad Elektro
Brødrene Hjønnevåg AS
Elins Matgleder
Uskedal Røyr og Multiservice
Solheim Turiststajson
S. Rødsten Bilforretning A/S
kvinnheringen
Kvinnherad Vekstbedrift AS
Tysnes Sparebank
grenda
Kvinnherad Renhold service
Zjakk Frisørsalong
Sparebank 1 SR bank ASA
Byggeriet
iDrift AS
Kvinnherad Breiband
Utvikla av iDrift AS