Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
Vidar Haugland
Tlf nr:488 91 464
Hans Ordin Østebø
Tlf nr:907 56 032
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Spar Uskedalen, først med sjølvbetjeningskassar i Kvinnherad.

07.12.2017
Klikk på bilete for full storleik
Deler av betjeningen får innføring i bruk av sjølvbetjeningskassane.
 
I ettermiddag vart dei fire nye sjølvbetjeningskassane tatt i bruk på Spar Uskedalen.  Ein av dei første til å ta dei i bruk var 72 åringen Reidar Myklebust.    - Dette er utruleg enkelt!  Nokre meiner kanskje det er unødvendig, men dette er framtida, sa han og bygde det på mykje og god erfaring frå Bergen.
 
Klikk på bilete for full storleik
Kjersti N. Børve bestod kurset med glans!
 
 

Med ombygginga er kassatalet i butikken blitt dobla frå 3 til 6, og dei har framleis 2 manuelle kassar.  Vi vil sjølvsagt møta den koselege betjeninga i butikken også i framtida.  Men det er ikkje tvil; køen vil gå endå raskare.

 
Ombygginga har gått raskt.  Etter at eigar-trioen med ektemenn flytta gjerde og handlevogner forrige helg, starta Sotra-firmaet, Butec, som er spesialistar på butikkinnreiing og kassadiskar med arbeidet å få på plass dei nye kassane i går, onsdag.  Dette firmaet starta starta opp for 12 år sidan, og har heile Vestlandet som sitt oppdragsområde.  Det var dei som stod for innreiinga under utvidinga av butikken for 5 år sidan, og det var også dei som var på Spar Valen då dei nyleg oppgraderte butikken sin.  
 
Klikk på bilete for full storleik
Butec, her representert ved Kenneth Martinsen, starta oppbygginga onsdag.
 
Klikk på bilete for full storleik
Jan I. Kamfjord frå Visma Retail programmerer kassane og tar siste finpuss.
 

I dag føremiddag var Butec ferdige med sitt arbeid, og dei nye kassadiskane på plass.  Elektrikkarar frå Kvinnherad Elektro stod for tilkoblinga før Jan I. Kamfjord frå Visma Retail stod for finishen.  Han stod for programmering, fekk anlegget opp å  gå, og hadde opplæring for dei tilsette.

 
Ein av dei første som nytta seg av sjølvbetjeningskassane var stamkunde Reidar Myklebust.  Han var storleg fornøgd og anbefalte underteikna å bruka det.
'Det er utruleg enkelt!  Eg har brukt det mykje i Bergen, og det går så kjapt og greitt,' sa han og la til, 'det er endeleg dei som meiner det er unødvendig, men dette er framtida.  Det vil nok fleire oppdaga når det har gått seg til'  Etter Reidar kom ungdommane Stine Soldal og Caroline Kjerpeseth.  På ein blunk var dei ferdige, men så hadde dei også gjort det før.
 
Sidan Reidar Myklebust lova støtte, våga også underteikna på å prøva seg med ein pose clementiner.  Ja, dette gjekk enkelt greitt og smertefritt.  Veging, skanning, betaling og portopning. Alle instruksjonar kom på displayet og Reidar trong eg berre som moralsk støtte.  Eg er sikker på at professoren aldri hadde hatt det så enkelt i undervisning.
På bilda nedanfor kan vi følgja Reidar gjennom kassen som ei enkel innføring.
 
Klikk på bilete for full storleik
Reidar skannar varene sine.
Klikk på bilete for full storleik
Reidar legg dei ferdigskanna varene fint frå seg på brettet.
 
Klikk på bilete for full storleik
Reidar trykkjer koden og betaler med kort.
 
Reidar tar med kvitteringar og går med stødige steg mot porten.
 
 
Smilande opnar han porten med strekkoden på kvitteringa og går fornøgd heim til Ellen med varene.
 
 
 
Tekst, foto og nett:  Thor Inge Døssland
 
 
 
  Tilbake

 
Lesarbilete
Notisar
19.09.2018
Ny butikk - kaffi og kake i morgon, torsdag 20. sept.
SPAR ynskjer velkomen til markering for at arbeidet med renovering og nye installasjonar er på plass. Det vert servert kaffi og kake frå kl. 10 i morgon, torsdag 20. september. I tillegg til tilboda denne veka, går SPAR ut med ekstra gode tilbod på nokre varer, mellom anna på kylling.

kb
19.09.2018
RYGERFONN til kai på Børneset.
Sterk vind i kveld og i natt gjer at RYGERFONN og MATHILDE ligg til kai i Uskedalen. RYGERFONN kom til Uskedalen kl. 19 etter endt rute frå Bergen til Rosendal. Vinden frå sørvest er varsla med styrke storm i vindkasta. Hardangerjakta MATHILDE ligg ved Sandakaien.

kb
19.09.2018
Bingoen startar i dag, onsdag kl. 19.
Bingoen i ungdomslaget startar i dag, onsdag 19. september, kl. 19 i Helgehim. Bingoen er eit fast innslag i Uskedalen, kvar onsdag. Frammøte er godt og tiltaket gjev ungdomslaget gode inntekter til lagsdrifta.

kb
19.09.2018
Ei travel veke for kyrkjekoret Nordsaang.
Neste veke vert ei travel veke for kyrkjekoret Nordsaang  og kantor Eva Megyesi med tre oppdrag. Bakgrunnen er bispevisitasen med mange arrangement. Tysdag kveld er det salmekveld i Husnes kyrkje, onsdag temakveld i Uskedalen og til slutt visitasgudsteneste i Kvinnherad kyrkje sundag kl. 11.

kb
18.09.2018
Kafe Tiaren 11 år i dag.
For nøyaktig 11 år sidan opna Kafe Tiaren, tysdag 18. september 2007, i Gamleskulen. Kafeen har vore i drift i alle år etter oppstarten og det utan stopp. Kafe Tiaren er open kvar tysdag heile året, bortsett frå nokre tysdagar i jula. Mellom 25 og 30 frivillige står for drifta.

kb
18.09.2018
Seniorgruppa med tur til Mannsvatn.
Seniorgruppa i Kvinnherad Turlag skipar i morgon, onsdag 19. september, til tur til Mannsvatn. Det er frammøte ved Grano i sentrum kl. 10. Turen vert rekna som middels krevjande.

kb
17.09.2018
Forvaltningskomiteen sa nei til tilbygg.
Jan Helge Pile fekk for andre gong nei i Forvaltingskomiteen til å utvida fritidsbustaden sin i Beinavikjo. Grunngjevinga for avslaget er omsynet til strandsonevernet. Søknaden omfatta også oppføring av bod og sauna.

kb
15.09.2018
Fotballjenter vert med på Demensaksjonen 2018.
Fleire jenter frå fotballen i Uskedalen vert med som bøsseberarar på Demensaksjonen 2018. Det har sin bakgrunn i at Nasjonalforeningen sentralt har avtale med Serieforeningen for jentefotball om støtte og profilering. På måndag vil ein dra nytte av denne avtalen lokalt i Uskedalen.

kb
15.09.2018
Hugs jazzkvelden på Dønhaug.
Det går slag i slag på Dønhaug. I kveld, laurdag 15. sept. kl. 20, er det jazzkveld med Torunn Eriksen. Med seg på bass har ho Kjetil Dalland. Tilskipar er Husnes Jazzklubb.

kb
14.09.2018
Pubkveld i Dønhaugkjedlaren i kveld, fredag 14. sept.
Det vert ny pubkveld i Dønhaugkjedlaren i kveld. Alle er velkomne til ein uformell og triveleg kveld med fyr på grua og god prat. Puben har ope til kl. 23.30.

kb
Siste Nyhende
20.09.2018
SPAR investerer 3 millionar i nye kjøle- og frysediskar.
SPAR har lagt ned eit stort og omfattande arbeid med oppgradering og fornying av butikken. Den totale kostnaden med å byta ut alt kjøle- og fryseutstyr til CO2 gass vert rekna til heile 3 millionar kroner. Investeringa omfattar alle diskar og skåp på kjøle- og frysevarer. Dei ny diskane er energisparande og investeringa er med og sikrar tilsette ein trygg og sikker arbeidsplass.
19.09.2018
Røysterett for Alle gjer Krakow
Som ein lekk i 30-årsjubileet til Røysterett for Alle sto ein tur til Krakow i Polen på agendaen 13.-16. september. Det vart ei opplevingsrik langhelg i ein region med ei svært så variert og interessant fortid og notid.Turnemnda hadde, saman med reisebyrået, fått snikra eit opplegg som femna det meste, både historie, kultur og det å oppleva byen og interessante stader i området rundt.
19.09.2018
Ønskjer å flytta frå Oslo til Uskedalen.
For få år sidan kom ein flott familie flyttande frå hovudstaden til Uskedalen etter at dei mellom anna hadde brukt uskedalen.no i førebuingsprosessen.  No er det mogeleg at det kan verta ein reprise.  I dag tikka ei ny melding inn til redaksjonen om ein familie som ønskjer å flytta til Uskedalen eller ein annan stad i Kvinnherad.
19.09.2018
Over 30 turglade seniorar på veg til Mannsvatnet.
Klokka ti i dag var over 30 turglade seniorar i Kvinnherad Turlag klar for avgang til Mannsvatnet i Uskedalen. Frammøte og parkering var ved Grano i sentrum. Turen er lagt opp som ein rundtur med start på Haugland og retur over Langhaugane og Storhaug attende til sentrum. Turleiarar er Steinar Kroka og Helen Sandvik Røssland.
18.09.2018
Bøkkerverkstaden - ein læringsarena for kystkultur.
I veka som var, strøymde det 130 elevar frå 7 skular til Rød og Bøkkerverkstaden for å læra meir om fartybygging og kystkultur. Det er Sunnhordland museum som kvart år gjestar alle 6. klassane i Sunnhordland med programmet Eg byggjer meg ein båt. Instruktørane var Bjørn Arve Lunde og Torhild Falk Berger.
18.09.2018
Demensaksjonen gav eit resultat på meir enn kr. 20.000,-

Det vart samla inn i overkant av kr. 20.000,- i går til Nasjonalforeningen for folkehelsen sitt arbeid mot demens. Det er om lag på same nivået som åra før, men då må vi ta med at talet på dei, som brukar Vipps, aukar. Nokre støttar aksjonen ved å betala inn på sentral konto. Vippsdelen vert ikkje registrert lokalt. To bøsser i andre bygder vert henta inn i dag.
17.09.2018
Etterspør historiar og bilete av doktor Haugen.
Det vert snart sett strek for innsamling av historiar om den legendariske doktor Haugen. Innsamlinga har vore overveldande med over 80 historiar så langt, frå 50 informantar i det som var Kvinnherad fram til kommunesamanslåinga på 1960 talet. For dei som ikkje har sendt inn sine historiar, er det enno tid, men det bør gjerast innan 1.oktober.  Det same gjeld om nokon sit på gode bilete eller anna arkivmateriale.
16.09.2018
Demensaksjonen - ta vel imot bøsseberarane frå kl. 17.
I dag kl. 17 startar årets demensaksjon i Uskedalen i regi av Helselaget. Nytt i år er at jenter frå fotballen er med som bøsseberarar. Innsamlinga dei siste åra og oppnådd eit resultat rundt kr. 22.000,- I tillegg kjem det som mange sender sentralt eller betaler på Nasjonalforeningen, Hordaland, sitt Vippsnummer 221612.
16.09.2018
Øyrehagen Sunde med ny kunnskap om Kristoffer Rustung.
Kristoffer Rustung var ingen sjørøvar. Han var ein krigar på erkebispkop Olav Engelbretson si side i den store striden i refomasjonstida mellom katolikkar og protestantar. Det var noko av det professor Jørn Øyrehagen Sunde la vekt på i sitt føredrag på Skuteseminaret i Rosendal i helga. Skuteseminaret med tre føredrag vart gjennomført i to parallelle økter. Amfiet i Folgefonnsenteret var fullsett og mange fekk ikkje billettar og måtte gjera vendereis.
Sponsorar
Uskedal Røyr og Multiservice
Solheim Turiststajson
kvinnheringen
Brødrene Hjønnevåg AS
Stord Lufthamn
Byggeriet
Kvinnherad Breiband
Kvinnherad Elektro
Zjakk Frisørsalong
Kvinnherad Renhold service
S. Rødsten Bilforretning A/S
Tysnes Sparebank
iDrift AS
grenda
Spar
Uskedal Båtlag
Elins Matgleder
Sparebank 1 SR bank ASA
Gros Blomster
Auto 88
Kvinnherad Energi AS
Kvinnherad Vekstbedrift AS
Kvinnherad Breiband
Utvikla av iDrift AS