Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
Vidar Haugland
Tlf nr:488 91 464
Hans Ordin Østebø
Tlf nr:907 56 032
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Flott konfirmantdeltaking på lysmessa.

03.12.2017
Klikk på bilete for full storleik
Konformantane song flott til opning med presten som dirigent under lysmessa i ettermiddag.
 
Lysmessa i Uskedal kyrkje i ettermiddag vart usedvanleg flott.  Æra for det må sokneprest Lina Håland og dei andre tilsette i kyrkja i høgste grad dela med dei flinke konfirmantane i årets kull.  Iført kvite kapper deltok dei i mykje, og det vitna om fin kontakt mellom presten og ungdommane.  Regien var og framifrå!
 
Klikk på bilete for full storleik
Frå inngangsprosesjonen
 
 
Standarden vart sett alt ved inngangsprosesjonen.  Med sokneprest Lina Håland som forsongar song konfirmantane vakkert i gospelsongen This Little Light of Mine medan prosesjonen gjekk opp midtgangen i kyrkja, og dei avslutta som oppstilt kor framme i kyrkja.  Det var VAKKERT, det!  Heilt fortent var det at kyrkjelyden gav dei taktfast applaus.
 
Etter samlingsbøn ved klokkar Oddbjørg Heimark og tenning av første lyset i adventskransen ved konfirmant Joacim Musland, fortsette gudstenesta, og alle dei 10 konfirmantane som var til stades, bidrog også vidare.  I tillegg til oppgåvene dei var tildelt, la eg merke til at dei song flott med på salmane.
 

Saima Kristine L. Døssland var medlesar saman med Lina prest i dåpspåminninga.  Dette vart etterfulgt av dåpsalmen med Lina som forsongar før konfirmantane og resten av kyrkjelyden repeterte.

 
 
Klikk på bilete for full storleik
Veldig flott var det når samtlege konfirmantar deltok under tekstlesinga.
 
 
Under tekstlesing og lystenning deltok samtlege konfirmantar.  Mellom tekstorda som konfirmantane las, vart salmen Gjer døri høg sungen vers for vers.  Ekstra flott vart dette ved at samtlege deltok i tekstlesinga og gjorde det så flott!
 
I preika si tok sokneprest Lina Håland utgangspunkt i Tarjei Bøe sin WC-siger i skiskyttar-sprinten laurdag.  Det var 4 år sidan siste siger, og han hadde lengta etter dette.  Gjennom mykje motgang hadde han tenkt på det dag ut og dag inn.  Ho knytta dette til håpet menneska ber på, og korleis Gud følgjer oss i våre løp mot sigeren.
 
Gudstenesta vart avslutta med utgangsprosesjon der kyrkjelyden fulgte etter prest og konfirmantar medan dei song salmen La oss vandra i lyset saman.
 
Elles nemner vi at det var takkeoffer som gjekk til Uskedalen Hobbyklubb, og at det var første gang Vipps vart teke i bruk ved offer i Uskedal kyrkje.  Det vart også minna om at neste gudsteneste er julaftan kl.14, og at julekonserten er 10.desember kl.19.30.  Vi nemner også at i år vert det gudsteneste på nyttårsaftan kl.11.
 
 
Konfirmantane saman med presten utanfor kyrkja etter lysmessa(Foto: Einar Gjertsen)
 
Tekst, foto og nett:  Thor Inge Døssland
 
 
 
  Tilbake

 
Lesarbilete
Notisar
19.06.2018
Ny pubkveld i Dønhaugkjedlaren på fredag.
Det vert ny pubkveld i Dønhaugkjedlaren fredag 22. juni. Den vellukka kvelden i mai månad gav meirsmak. Opplegget er det same,- ein uformell kveld med ei sosial ramme som høyrer ein gardspub til. Alle er velkomne i Dønhaugkjedlaren på fredag.

kb
19.06.2018
Klargjort for asfaltering i Ospelunden.
Alt er gjort klart for asfaltering i byggefeltet Ospelunden. Dersom alt går etter oppsett plan, vert alle vegar i byggefeltet asfaltert i neste veke. Det er lokalt firma som gjer jobben.

kb
19.06.2018
Spelemidlar til Uskedal Idrettslag.
Det  er løyvd Spelemidlar frå Norsk Tipping til to anlegg i Uskedalen: Idrettsanlegget Kunstgrasbanen: kr. 772.000,- Nærmiljøanlegget Klatreparken: kr. 300.000,- Søkjar er Uskedal Idrettslag.

kb
17.06.2018
Nytt parkeringareal ved Uskedal skule.
I utdrag av kommunen sin vedlikehaldsplan finn vi nytt parkeringsareal ved Uskedal skule. Tiltaket er kostnadsrekna til vel 2 mill. kr og har oppstart i 2021. Det har lenge vore ynskje om meir parkeringsareal ved skulen og barnehagen.

kb
16.06.2018
Hugs gudstenesta i morgon med gjester frå India.
Gudstenesta i morgon, sundag 17, juni. kl. 11 vert litt utanom det vanlege.Ekteparet Essi og Mary David frå barneheimen i Umred i India vert med. I dei åra Lina Håland har vore sokneprest i Uskedalen, har soknerådet støtta arbeidet ho og familien gjer for born og ungdom i dette landet.

kb
15.06.2018
Paul Are Ljosnes - 4. plass i Mazdafinale.
Paul Are Ljosnes frå Uskedalen fekk saman med ein kollega frå Haugesund ein 4. plass i den norske Mazdafinalen for bilmekanikarar. Det er lagvis deltaking, ikkje individuell.

kb
15.06.2018
Visning på nyoppførte leilegheter i sentrum.
Sundag 17. juni kl. 17 vert det visning på nyoppførte leilegheter i Uskedalen med adresse Uskedalsvegen 510. Det er 6 seksjonar i bygget som går over tre etasjar. Det er inngang frå gateplan og heis. Meglar er DNB.

kb
14.06.2018
Elvefiske opnar natt til måndag 18. juni.
Det er bestemt at elvefiske opnar natt til måndag 18. juni kl. 00.00. Det vert gjort slik for at fisken skal få tid til å gå opp i elva. Med normal elv skulle fiske vore opna 1. juni. I det fine veret med lite vatn vart opninga utsett. No er alt klart for fiske i Uskedalselva, frå måndag 18. juni fram til 1. september.

kb
14.06.2018
Kremmaren i Uskedalen.
Artikkelen Kremmaren i Uskedalen skriven av Heidi Eikrheim ligg ute på Samarbeidsrådet for Sunnhordland si heimesida. Det handlar om Elin Enes, livet og verksemda hennar frå starten med baking og kiosk til drifta i dag med avdelingar i Uskedalen og i Rosendal. Les meir på: Samarbeidsrådet for Sunnhordland IKS.

kb
14.06.2018
Viktig melding frå Uskedal Båtlag.
Båtlaget bed alle med båt i båthamna å sjå over fortøyningane i kveld eller i morgon tidleg på dag. Det er torsdag venta vind med kuling styrke og kraftige vindkast frå sør og søraust. Mange har båt med berre sommarfortøyning. Her må ein innretta seg som om det var haust/vinter.

Uskedal Båtlag
Siste Nyhende
20.06.2018
300 bilar kontrollerte i Uskedalen - ei begjering.
Statens vegvesen med fire inspektørar var i Uskedalen i dag og kontrollerte 300 køyretøy. Det vart skrive ut ei begjering, noko som er eit godt resultat. Av alle desse var det berre ein som ikkje brukte bilbelte. Ein kunne ikkje syna fram vognkortet. Målet med kontrollen i Uskedalen i dag er fokus på trafikksikkerhet og førebyggjande arbeid. Då er alt like viktig, sjølv om ein berre skal ein kjapp tur på butikken.
20.06.2018
Siger til J17 jentene mot Odda 9er
Tysdag kveld spelte J17 jentene til Rosendal/Uskedal (R/U) kamp på Uskedal kunstgrasbane mot Odda 9er. Også i denne kampen har R/U måtta låna spelarar frå J14 laget, deriblant er Maria som fekk sin debut kamp for J17 laget. Ina som til vanleg spelar med G15 laget, stilte også kampklar.
19.06.2018
Maria Larsen, lærar på Uskedal skule, går for mastergrad.
Maria Larsen, lærar på Uskedal skule i praktisk estetiske fag, presenterer masterarbeidet sitt i morgon, 21. juni, på Høgskulen på Rommetveit. Masteroppgåva hennar har tittelen: Langt fra perfekt - et undervisningsdesign i utvidet tegning. Maria Larsen er tilsett i 80 % stilling i Uskedalen og har studert parallelt ved å jobba i skulen. Ho har brukt fire år på studiet fram mot ein mastergrad.
18.06.2018
Journalisten Matti med veggen full av pressefoto.
Det er truleg fyrste gongen sidan opninga av Rosendal Aldersheim i 1957 at ein bebuar har tapetsert eine veggen på rommet sitt med pressefoto. Bileta syner aktuelle hendingar og personar i perioden 1980 til år 2000. Ola Matti Mathisen er sjølv fotografen og fortel utførleg bakgrunnen til kvart av motiva. Fotosamlinga på veggen tel 63 foto så langt, 24 motiv er frå 13 ulike land.
18.06.2018
Rosendal/Uskedal J17 vann jamn kamp
Laurdag var Rosendal/Uskedal J17 (R/U) laget til Arna og spelte kamp mot Arna/Bjørnar (A/B) på Garnes kunstgrasbane. Dette var siste borte kamp i vårsesongen. R/U har nok ein kamp med redusert spelarstall, bare 8 spelarar av J17 laget kunne stilla. Med god hjelp frå J14 laget får ein stilt lag.
17.06.2018
Elvefiske er opna - videoovervakinga held fram.
Elvefiske opna i natt kl. 00.00. Turke og lite vatn gjer at opninga vart utsett frå 1. juni til i dag 18. juni. Videoovervakinga i Djupehølen held fram. Fire kamera har filma, tald og registert all fisk som har gått opp og ned i elva. Målet med registreringa er mellom anna å finna meir ut av fisken sine vandreruter. Det er Skandinaviske naturovervaking som utfører sjølve registreringa.
17.06.2018
Kreativ pynting til Festidalen.
Pyntinga til Festidalen held fram. I går var pyntegruppa med Gina Berge-Soldal som leiar vore på Sandabakkane og på Fet med nye artige installasjonar. Den raude tråden er: GARD. Det ligg mykje arbeid bak figurane og dekorasjonane. Festidalen er truleg den festivalen på Vestlandet som skårar høgast på pynting og det å skapa trivsel og eit godt miljø rundt eit arrangement.
17.06.2018
Ei internasjonal gudsteneste med dåp, gospel og Indabesøk.
Ei internasjonal gudsteneste der teksten for dagen vart lesen på engelsk av Effi David frå Infia, ja, det var noko av det kyrkjelyden fekk oppleva i kyrkja i dag. Dåpsbarnet fekk namnet Tilje og Jeanne Børretzen ( USA ) og LIna Håland song gospel, Go tell on the Mountain. Offeret gjekk sjølvsagt til Umred, den nye barneheimen i Inda med plass til 100 born når alt er oppe og går.
16.06.2018
Farvel Uskedalen - neste destinasjon er Tyrkia.
I dag tidleg klokka 08.30 løyste DE TRANSPORTER alle fortøyningane og glei fint frå kaien på Eidsvik Eigedom sitt anlegg på Børneset. Med to slepebåtar gjekk turen på nord gjennom Storsund, rundt Kalven og ut Hardangerfjorden. I skrivande stund går slepet med 5- 6 knop og posisjonen er vest for Karmøy. Skipet er seld til skipsverftet Tersan Shipyard i Tyrkia og skal byggjast om og brukast som dokk. Salsprisen er 12 mill kr.
Sponsorar
S. Rødsten Bilforretning A/S
Tysnes Sparebank
Brødrene Hjønnevåg AS
iDrift AS
grenda
Kvinnherad Breiband
Spar
Stord Lufthamn
Uskedal Båtlag
Elins Matgleder
Kvinnherad Elektro
Sparebank 1 SR bank ASA
kvinnheringen
Gros Blomster
Auto 88
Kvinnherad Renhold service
Zjakk Frisørsalong
Byggeriet
Kvinnherad Energi AS
Kvinnherad Vekstbedrift AS
Solheim Turiststajson
Uskedal Røyr og Multiservice
Kvinnherad Breiband
Utvikla av iDrift AS