Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Kristian Bringedal
Tlf nr:915 31 487
Svein Rimestad
Tlf nr:911 09 868
- - - - - - - - - - - - - - - - - - -
Kontakt Uskedal Utvikling
E-post
- - - - - - - - - - - - - - - - - - -
Bli medlem
Årspriskr 200.-
Kontonr. 1503 39 82329
Last ned giro
VIPPS 512870
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Fiolettgrønt i Dønhaugkjedlaren

17.09.2017
Klikk på bilete for full storleik
Violet Green i aksjon.
 
Husnes Jazzklubb inviterte fredag kveld til ein gjennomgang av blues-/jazz-/rockhistoria frå tidleg 1900tal til vår tid, og fokuset var på kvinnelege utøvarar og musikkskaparar.  Den svenske gruppa Violet Green (and All Between) ga oss eit interessant - og til tider - tankevekkande innsyn, spekka med flotte musikalske døme.  Maria Malmsten (kjend for dei fleste) står for opplegget av vestlandsturneen til bandet.
 
Dønhaugkjedlaren er så visst ein intimscene, og 6 musikarar er vel bortimot det det er plass til utan at utøvarane skal vera i vegen for kvarandre.  Nokre og tjue tilhøyrarar hadde funne vegen denne kvelden.  Det kunne vore fleire, men hadde me vore over tretti, ville truleg me ha vore i vegen for einannan.  Klokka var om lag kvart over ni då Jarle Mehammer ynskte velkomen. 
 
Bandet starta fyrste avdeling med Bessie Smith (the Empress of the Blues) sin ʺDrag my Blues Awayʺ.  Avdelinga femna tida fram til og med depresjonen I USA.  Me fekk høyra musikk av, og deler av historia kring 10 varierte og til dels svært fargerike damer.  Ein del av dei var innblanda i ganske skandaløse hendingar, og ei av damene kunne dagen etter lauslating frå arresten servera ein låt om det som hadde gått føre seg (Ma Rainey - ʺProve it om Me Bluesʺ).  Hadde de vore til stades, ville de fått veta kva ho vart arrestert for, og de ville og fått veta kven som spytta snus, samt ein del andre spesielle særdrag einskilte av desse damene hadde.  No kan de som ikkje var der, angra.  Dei av dykk som har interesse for å gjera noko med forsøminga, kan trykka HER for å sjå kor Violet Green skal spela komande veke (det er ikkje så langt unna).  Via denne linken kan de og finna ut mykje meir om kva denne gruppa står for.  Bandmedlemene skifta om å servera anekdotar og karakteristikkar for kvart nummer, og det vart ein svært god kontakt mellom dei og dei frammøtte. 
 
Andre avdeling tok oss frå midten av 30-talet og fram til no.  Eg hadde eit inntrykk av at under fyrste avdelinga la musikarane litt band på seg.  Ein kjenner truleg ein viss pietet overfor stoffet, og vil presentera det så tru mot det opphavelege som mogleg.  Iallfall losna den musikalske snippen meir etter kvart som me nærma oss notida.  Dette er jo stoff som mange musikarar, og publikum med, er meir kjende med, og det er mange artistar og band som har laga eigne versjonar. Her fekk me høyra meir av kva dei var gode for på instrumenta sine, og eg vil påstå at ikkje mange band får til det vokale så godt som desse damene.  Flotte harmoniar og ein hovudvokalist som verkeleg levde seg inn i songen.
 
 
Klikk på bilete for full storleik
Ein dedisert vokalist.
 
 
 
Her fekk me mellom mykje anna høyra kor Muddy Waters stal ʺGot my Mojo Walkingʺ (frå Ann Cole), og Jerry Lee Lewis har sjølvsagt stole ʺA Whole Lotta Shakinʹ Goinʹ onʺ (frå Mabel Louise (Big Maybelle) Smith).  ʺHound Dogʺ vart presentert 3 år før Elvis av Willie Mae (Big Mama) Thornton.  Med meir varme i trøya fekk me og verkelege perlepresentasjonar:  I samband med omtalen av Janis Joplin fekk me hennar versjon av:  ʺBall and Chainʺ - ein verkeleg godbit både vokalt og instrumentalt.  Denne songen er opphaveleg av Big Mama Thornton.  Me kjem og seint til å gløyma ʺFeeling Goodʺ (Nina Simone), der keyboardinnleiinga reiste høneskinnet på ryggen alt i starten.  Då jentene takka for seg (om lag 23.15), ville ikkje applausen ta ende.  Dei gjorde då ein dundrande finale med Tina Turners versjon av ʺRolling on the Riverʺ. 
 
Det er ikkje ofte ein opplever dyktige musikarar som er så uhøgtidelege, trivst så godt i lag, er så godt samkøyrde, og dermed får i stand slik kontakt med tilhøyrarane.  Dette var jo kvinnesak i høg grad, men eg trur ikkje sjølv den mest innbarka mannssjåvinisten av oss tok seg nær av denne presentasjonen.  -Me berre godtok det.
 
Musikk og undervisning var ved - frå venstre - : Ulla Wrethagen-vokal/gitar, Elsie Petrén-saxofon, Lena Andersson-bass, Anna Hammersten-keyboard/vokal, Jenny Fall-vokal, Eva Grund-trommer.
 
 
 
Tekst og foto:  Svein Rimestad
Nett:  Thor Inge Døssland
 
 
 
 

 
 
 
  Tilbake

 
Lesarbilete
Notisar
23.01.2021
Singing Tweens startar måndag 25. januar kl. 17 på Bedehuset.
Singing Tweens i regi av Uskedal Sundagsskule tek til med sine samlingar måndag 25. januar kl. 17.00 på Bedehuset. Tilbodet er for dei som går i 1. klasse og oppover. Det vert song, andakt, leikar/hobby og drama. Drama er ny aktivitet. Musikkterapeut vert med på fyrste øving.

kb
21.01.2021
Årsmøte i Uskedal Friluftslag måndag 8. februar kl. 19.00.
Det vert med dette gjort kjend at årsmøte i Uskedal Friluftslag er måndag 8. februar kl. 19.00 på Stemneplassen. I tillegg til ordinære årsmøtesaker vert det informert om oppussinga så langt og tiltak for å auka bruken i tida framover. Kvart av dei 10 medlemslaga har høve til å møta med to representantar på årsmøte.

Styret
21.01.2021
Legg sjøkabel til Skorpo i dag.
Det vert lagt høgspentkabel i sjø frå Børnes til Skorpo i dag, torsdag 21. januar. Det vert gjort for å sikra straum fram til hus, hytter og oppdrettsanlegg, dersom kabelen over Snilstveitøy fell ut. Det er kabelskip frå Seløy Undervasservice som gjer jobben.

kb
19.01.2021
Opnar opp for barne- og ungdomsaktivitetar.
Etter den siste pressemeldinga frå Regjeringa vert det opna opp for fritidsaktivitetar for born og ungdom i alderen opp til 20 år. Dette gjeld aktivitetar både inne og ute. Meld frå til uskedalen.no om oppstart av treningar, musikk- og songøvingar for born og ungdom. Det er framleis ikkje tillate med kampar, stemne og cup.

Red.
14.01.2021
Ord for helga - innspelt frå Uskedal kyrkje.
Ord for helga er denne gongen frå Uskedal kyrkje. Andaktsstunda er ved sokneprest Carsten Mrusek. På orgel: Eva Megyesi. Foto og redigering er ved Jan Ove Fagerheim. Du finn innspelinga på Youtube og på nettsida Kyrkja i Kvinnherad.

Ord for helga

kb
14.01.2021
Minus 14 grader i Friheim i dag tidleg.
Det er målt minus 14 grader i Friheim i dag tidleg, torsdag 14. januar. Det er den kaldaste dagen så langt i vinter. Meld frå om temperaturen der du bur.

kb
13.01.2021
Bente Nilsen - ny dagleg leiar i Rosendal Utvikling.
Bente Nilsen er tilsett som ny dagleg leiar i Rosendal Utvikling. Ho tek til i stillinga 1. februar. Bente Nilsen var dagleg leiar og medeigar i Nilsen Handel AS ( SPAR Uskedalen ) i perioden 1991 - 2020. Bente har hatt ei rekkje tillitsverv innan daglegvarebransjen, lokalt og på nasjonal plan. Det er styreleiar i Rosendal Utvikling, Asbjørn Soltveit, som melder dette i dag.

kb
12.01.2021
Helikopter vert brukt til rydding etter linjearbeid.
Det er helikoptertrafikk oppe i dalen i dag. Det er rydding etter linjearbeid i regi av Haugaland Kraft. Brukt utstyr vert samla ved Vonheim for lasting og bortkøyring alt i dag, tysdag 12. januar.

kb
11.01.2021
Trafikkulukke i Uskedalen.
NRK Hordaland melder om trafikkulukke i Uskedalen på Uskedalsvegen på Eik ved avkøyrsla Eikevegen i dag tidleg, måndag 11. januar. Bilen ligg på taket. Det er ikkje meldt om personskade. Bilen ligg utanfor vegbanen. Presisering: Bilen sklei av vegen i Buasvingen. Det har ikkje noko med Eikevegen å gjera.

kb
10.01.2021
Årsmøte i Uskedal Helselag, måndag 15.02.2021, i Gamleskulen.
Årsmøte i Uskedal Helsleag er måndag 15. februar kl. 19.00 i Gamleskulen. Årsmøtesaker: Årsmelding, rekneksap og val. Innmelde saker frå medlemene skal sendast til styret v/ Eli Roseth Eik innan 1. februar. Det gjeld også søknader om støtte.

Styret
Siste Nyhende
24.01.2021
Grasrotandelen - over kr. 200.000,- til 9 lag i Uskedalen
Grasrotandelen er ein del av overskotet frå Norsk Tipping som går tilbake til lag/ organisasjonar og lokale tiltak i lokalsamfunnet. Uskedal Idrettslag toppar lista i Uskedalen over dei som vert tildelt midlar i 2020. Løyvinga er på heile kr. 102.088,-. Neste på lista er Skulemusikken med kr. 38.659,-. Totalt vert det overført rundt rekna kr. 200.000,- til ni uskedalslag. Det er ein auke frå året før.
23.01.2021
Varsel om at Mannsvatnet er regulert.
Dette er eit varsel frå Sunnhordland Karaftlag ( SKL ) til alle som ferdast i Tverrelva Kraftverk AS sitt nedslagsfelt i område rundt Mannsvatnet. SKL gjer merksam på at  skifte i veret gjer at snømengda og situasjonen er i endring veke for veke.
22.01.2021
Sjøkabel frå Børnes til Nautaneset på Skorpo
Kabelskipet NAUTILUS MAXI frå Seløy Undervasservice har vore på fjorden i går og i dag og lagt ny høgspentkabel til Skorpo. Sjøkabelen går frå Børnes til Nautaneset og vidare i luftspenn fram til brukarane. Kjell Enes i BKK nett er prosjektleiar og fortel at arbeidet vert gjort for å sikra Skorpo med alle sine abonnentar sikker straum. Det gjeld både til hus, hytter og til dei som driv næring, som til dømes oppdrettsanlegget på nordsida.
21.01.2021
Flyttar buskapen inn i den største og mest moderne fjøsen som nokon gong er bygd i Uskedalen.
Med ei golvflate på knappe 1000 rutemeter og med innredning og bingar til 120 dyr må den nye fjøsen på Haugland vera den største og mest modrne som nokon gong er bygd i Uskedalen. Brørne Stian og Tor Ove Haugland gjer klar for innflytting og har alt fått meir enn halve buskapen på plass. No er det tilvenjing og innkøyring både for dyr og menneske med det aller nyaste som finst av utstyr i ein moderne fjøs, anten det er mjøkerobot, gjødselrobot eller formixar med digital og automatisk styring. Det er plass til 43 mjølkekyr i den nye fjøsen. I tillegg kjem 30 kalvar og 22 kviger/ stutar.
20.01.2021
Aktivitetstilbod til seniorar og eldre i ei tid med Covid 19.
Kvinnherad frivilligsentral set i gong aktivitetstiltak for å motverka einsemd hjå eldre. Målet er å raskt leggja til rette for auka aktivitet i målgruppa under den pågåande koronasituasjonen. Målgruppa er seniorar og eldre som bur i eigen heim eller omsorgsbustad. Vi ynskjer på ein enkel og ubyråkratisk måte å leggja til rette for at eldre kan få hjelp og støtte til gjennomføra sjølvvalde aktivitetar, som dei grunna koronasituasjonen, ikkje gjer på eiga hand. Til dette treng vi eit godt samarbeid med frivillig sektor.
20.01.2021
Open råk på Mannsvatnet i stabil kuldeperiode.
Av dei som går mykje på Hauglandsfjellet og i område rundt Mannsvatn er det registrert open råk. Det er uvanleg i ein periode med stabil kulde og der isen elles på det jevne er mellom 20 og 30 cm. tjukk. Den opne råka har skapt undring og det vert spurt om ei forklaring.
19.01.2021
Treng Kvinnherad eit felles kyrkjelydsblad ?
Tidlegare var det 3 kyrkjelydsblad i Kvinnherad: Over Fjorden, Kva hender i Fjelberg og Eid sokn og Kyrkjelydsbladet. Dei siste åra har det berre vore Kyrkjelydsbladet som har kome ut. Bladet vart starta som eit blad for Husnes og Holmedal sokn, seinare har også Fjelberg og Eid sokn og Uskedal sokn komne til. Det har kome fram ynskje om eit felles kyrkjelydsblad for alle soknene. Det vart også drøfta etter Bispevisitasen i 2018.
18.01.2021
Lekter med borerigg gjer jobben med utdjuping av Børneskaien.
Ein lekter frå Johannes Røgelstad Maskin AS er på plass på Børnes for boring og sprenging av ei grunne som ligg på den kommunalen delen av tømmerkaien. Førebuing og klargjering tok til fredag i veka som var. Lekterfirma frå Skånevik vert mykje brukt ved bygging av kaiar, moloar og fundament i sjø i heile regionen. Lekteren fungerer også som ein ambulerande og flyttbar tømmerkai, om det trengst.
18.01.2021
Massevaksinasjon i Kvinnherad kommune.
Kvinnherad kommune startar massevaksinasjon for korona. Informasjon om arbeidet vil bli lopande oppdatert på kommunen si heimeside. Koronavaksine og vaksinasjon er gratis. Denne infomasjonen er henta frå Kvinnherad kommune si heimeside, oppdatert i dag 18.01.2021.
Sponsorar
Sparebank 1 SR bank ASA
Spar
kvinnheringen
Gros Blomster
Brødrene Hjønnevåg AS
Kvinnherad Breiband
Uskedal Båtlag
Kvinnherad Vekstbedrift AS
Grenda
Tysnes Sparebank
Solheim Turiststajson
Zjakk Frisørsalong
Eidsvik Eigedom AS
Rabben feriesenter
S. Rødsten Bilforretning A/S
Kvinnherad Renhold service
Auto 88
Ospelunden
Stord Lufthamn
iDrift AS
Kvinnherad Elektro
Kvinnherad Breiband
Utvikla av iDrift AS