Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Thor Inge Døssland
Tlf nr:932 88 237
Kristian Bringedal
Tlf nr:915 31 487
Reidar Myklebust
Tlf nr:477 56 944
- - - - - - - - - - - - - - - - - - -
Kontakt Uskedal Utvikling
E-post
Kontonr: 1503 39 82329
Last ned giro
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

«SAUEHALD MED FRAMTID»

08.08.2017
Klikk på bilete for full storleik
Magne Huglen steller svært godt med dei to sauene som han har mykje glede av.
 
I min tidlege dyrelegekarriere gjekk det ein kurs-serie i landbruket kalla « sauehald med framtid». Når vi no skal ta for oss Magne Huglen sitt sauehald, så anar lesaren alt no ein viss ironi, men det skal vi koma attende til.
 

Redaksjonsekretæren har vore veldig oppteken av at nokon må skrive om prydsauene til Magne før dei siste vandrar heden. Vi snakkar om prakteksemplar av rasen bles. Korleis rasen oppsto strides dei lærde. Anten som eit resultat av krysning mellom svart ryggjasau og spælsau på 20-talet eller import av zwartblessau frå Nederland. Dyra er som sagt ein pryd for auge, men kastar lite av seg og har difor minka sterkt i antal.  Rogaland Blæselag vart stifta i 1997 og freistar å ta vare på rasen.


Magne var i si tid ein av dei fremste sauebøndene i Kvinnherad. Han var djupt engasjert i organisasjonslivet, og var vel faktisk leiar i skrapesjukeåret 1996. Tilliks med den legendariske Hans K. Guddal var det sau frå morgon til kveld! Det vil sei heilt til kyrne, hestane, turistane og låvedansane tok han.


For å gjera ei lang historie kort, så foregikk det ein massakre av sauer i 1997. 3-4000 sauer vart pålagt slakta, inklusive Magne sine. Det var tøffe tider, og eksempelvis vart ein så deprimert at han ikkje sto opp før etter tre veker!
Etter nokre år, dvs. i 2002, tykte familien og spesielt dottera, Rannveig, at det var på tide at Magne på ny kunne kose seg med sauer. Etter ein 50-års dag og ein farsdag vart han den stolte eigar av 3 bleslam, ala opp av Karen Steinsletten, øvst i Omvikedalen.


Dette vart starten på eit svært spesielt sauehald der profitt ikkje har stått i sentrum. Då dyra var to år gamle fekk dei løyve av eigaren til å treffe ein ver, og dei kom i lukkelege omstende. Men dett var dett! Seinare har dei berre hatt platoniske forhold, og etter mi meining reiser det ein del etiske spørsmål. Burte det ikkje vera ein søyerett å få seg ein ver?

 
Klikk på bilete for full storleik
Magne er ein sann dyrevenn!


Magne er jo kjend som ein sann dyreven, og truleg har nok redsla for å måtte slakte nokon overskygga sunn fornuft. Med unntak av 3 verer som gode naboar tok seg av, har alle med unntak av dei no to attlevande døydd av «naturlege årsaker».
Desse to er høvesvis 15 og 13 år gamle. Truleg er dette norgesrekord. Elles er dei også vorte verds- berømte, avbilda og omtala i det mest kjende klatremagasinet, «Climbing Magazine».


Kanskje skuldast den høge alderen at dei har fått gjort som dei har vilja, då som sagt med eitt unntak. Eit kosthald med innslag av blomar, prydbuskar og hamburgerbrød har utvilsomt også verka positivt. Musikk er også noko som nok har fremja eit langt liv og livskvalitet. Det er ikkje få festidalar og låvedansar desse to har fått oppleva. På direkte spørsmål til Magne om musikksmak, seier han følgjande: «dei aksepterer Vassendgutane, men dei er absolutt mest glad i blues». Betre kan det vel ikkje seiast!


Kva no med framtida? Det seier seg sjøl at helsa ikkje er som ho var, litt gikt og tannmangel kjem ein ikkje utanom, men det vil i følge Magne gå ei absolutt grense ved behov for sondeforing. Livskvaliteten er under kontinuerleg overvaking, og i samråd med fastlegen og familien vil det bli avgjort om det er fornuftig med hjelp for å treffe kameratane i sauehimmelen.


På spørsmål om dette vil vera hans siste sauer svarar Magne stadfestande. Men folkens, han dreg litt på svaret. Du verden som desse dyra har pynta opp på Dønhaug!

 
 

Tekst og foto: Bjarne Lilleaas

Nett:  Thor Inge Døssland

 
 
 
  Tilbake

 
Lesarbilete
Notisar
18.01.2018
Redusert drift på nettsida.
Frå i morgon og to veker framover vert det redusert drift på nettsida. Redaksjonssekretæren er på reise og ein vil mellom anna ikkje vera klar for å dekka så mykje stoff som går på born, unge, idrett og musikk/konsertar.

Red.
18.01.2018
Årsmøte i Kvinnherad KRF, 29. januar.
KRF i Kvinnherad har sitt årsmøte i Kvinnherad Vekst sine lokale, måndag  29. januar kl. 18. Talar er fylesleiar Pål Kårbø. KRF brukar Uskedalen fast som årsmøtebygd.

kb
17.01.2018
Bilulukke i Vågabrekko.
Om lag kl. 14.45 køyrde ein bil i autovernet i Vågabrekko mellom Uskedalen og Herøysundet. Branntroppen frå Uskedalen vart tilkalla. Sjåføren er køyrd til vanleg legesjekk.

kb
17.01.2018
Årsmøte i Uskedal Indremisjon.
Det vert årsmøte i Uskedal indremisjon fredag 19. januar kl. 19 i Bedehuset. I tillegg til vanlege årsmøtesaker vert det andakt v/ Gunnar Kjærland. Alle er velkomne.

kb
16.01.2018
Tor Gundersen ny dametrenar.
Tor Gundersen som dei siste åra har trena J02-laget til Rosendal/Uskedalen tar no steget opp og vert trenar for damelaget komande sesong.  Gundersen har trena aldersbestemte lag etter at han gjekk av som dametrenar i 2010.  Han overtar etter Yngve Bryn som trena laget i haustsesongen.  

tid
16.01.2018
Kven saknar eit turbilskilt ?
Dersom du er eigar av eit turbilskilt (BSG) og vil ha det tilbake, kan du stoppa ved Sunnhordland Prosjektutvikling sitt leileghetsbygg på Brekketoppen v/ Solheim Turiststasjon via a vi Byggeriet. Skilet står ved bosdunkane.  Skiltet er truleg rive av i den sterke vinden.

kb
15.01.2018
Sterk storm i vindkasta.
Kurt Haugland melder om sterk storm i vindkasta i Korsneset.. Den høgste målinga vart gjort i natt med ein vindstyrke på 23,2 sek. meter. Målsetasjonen i Rosendal synte kl. 10.30 ein styrke på 37,6 som er orkan. Det er alt meldt frå om skade på hustak i område.

kb
15.01.2018
Årsmøte i Friluftslaget, måndag 12. februar.
Det vert gjort kjend at årsmøte i Uskedal Friluftslag er måndag 12. februar kl. 19.30 på Stemneplassen. Tillitsvalde og medlemslaga må merka seg dag og dato. Meir informasjon kjem seinare.

Styret
12.01.2018
Skisenteret lovar strålande forhold både laurdag og søndag.
- Neste åpningsdag vert i morgon lørdag og søndag klokka 10-16. Det er meldt strålende sol, -3°C litt vind på lørdag og skya vær med -1°C på søndag. Vi fyrer i grillen i barnetrekket. Velkommen skal dåke være, skriv Fjellhaugen skisenter på facebook.  Søndag vert også det første karusellrennet denne vinteren arrangert.  Det er barnerenn i forkant, og det startar kl.12.  UIL er arrangør.

tid
09.01.2018
Skirenn i Fjellhaugen
Førstkommande Søndag 14. januar arrangerer Uskedal idrettslag årets første skirenn. Rennet går i klassisk stil  og finn stad i Fjellhaugen med start kl 13.00. Det vert også barnerenn, og det startar ein time før, kl 12.00. Her vert det også premie til deltakarane. Dei som er med i hovedrennet må venta til hausten på premie, då det vert premiering ifm Skikarusellen.Prisen for å vera med på barnerennet er 30 kr og  for hovedrennet dekkar klubben startkontigenten.Uskedal IL håpar på godt ver, og at mange tar turen til Fjellhaugen denne dagen. Husk at, å gå på ski er beste form for mosjon.Vel møtt til alle! 
Meir informasjon, og påmelding finn de her: Påmelding

Tekst: Knut Johanne Ripel

Nett: hoø
Siste Nyhende
18.01.2018
SELSTAD treng fleire notbøtarar.
SELSTAD, Måløy, har hatt ein vellukka start i Uskedalen. Alt no søkjer dei etter fleire notbøtarar knytta til lokala på Eidsvik. SELSTAD er ein internasjonal leverandør av utstyr og kompetanse til det martime markedet. Verksemda har 11 lokalsjonar på kysten frå Trømsø i nord til Uskedalen i sør. Hovudkontoret ligg i Måløy.
18.01.2018
Jazzkveldar på Dønhaug også denne våren.
Dei siste åra har Husnes jazzklubb lagt dei fleste klubbkveldane til Dønhaugkjedlaren, og dermed vert desse jazzkonsertane eit ekstra godt tilbod til oss uskedelingane.  Denne våren er det planlagt 2 jazzkveldar på Dønhaug, men aller først slår Husnes Jazzklubb til med konsert med dyktige Karina Opdal frå Sunde, Alex Hutton og venner i Kulturhuset Husnes i morgon, 19.januar.
18.01.2018
Ikkje veglys i sentrum grunna kabelbrot.
Eit kabelbrot i sentrum gjer at det dei siste kveldane ikkje har vore veglys i område Uskedal bru til busslomma ved nedkøyrsla til skulen. Det har heller ikkje vore lys på vegen ned til kyrkja og til SPAR. Ei mellombels retting gjer at det vert lys i område frå i ettermiddag.
18.01.2018
Mellombels tilsett som rektor ved Bringedalsygda.

Stig Berge Soldal er mellombels tilsett som rektor ved Bringedlsbygda skule. Tilsetjinga gjeld ut skuleåret. Ordninga med felles rektor på fleire skular har vore prøvd før. Så langt har denne ordninga fungert fint. Det er dessutan ei praktisk løysing for kommunen og vert oftast iverksett i dei høve der eksisterande rektor vert overført til ny skule midt i skuleåret.
17.01.2018
Skulemusikken til Hordablæsten.
For kort tid sidan mottok Uskedal skulemusikk eit kjekt initiativ frå naboane i Rosendal skulekorps.  Dei lurte på om dei to korpsa kunne delta i den store korpskonkurransen Hordablæsten i Grieghallen saman.  Både styret, dirigent og ikkje minst musikarane var begeistra for invitasjonen, og i går kveld starta dei førebuingane på musikkstykka som skal spelast i konkurransen.
16.01.2018
Røysterett for Alle i jubileumsåret 2018
Som mange veit, vart blandakoret Røysterett for Alle skipa i Uskedalen i januar i 1988.  2018 er altså eit jubileumsår, og dette er tenkt markert både internt og overfor omgjevnadane.
16.01.2018
Seks leilegheter - visning sentralt i Uskedalen.
Det vert ny visning i i Mollehuset i morgon, onsdag, kl. 16 - 17. Huset er totalrenovert. Arealet omfattar både det som var forretningslokale og leileghet i 2. høgda. Bygget ligg sentralt til i Uskedalen. Det er gangavstand til handel, båthamn, barnehage, skule,  aktivitetshus/treningspark. og andre sentrumsfunksjonar.
15.01.2018
Mange brukar sjølvbetjeningskassane.
Det er no vel ein månad sidan Spar Uskedalen tok i bruk 4 sjølvbetjeningskassar i butikken.  Vi har inntrykk av at svært mange brukar dei nye kassane, og det vert understreka av opplysningar vi får frå dagleg leiar, Bente Nilsen.  Dei er svært godt fornøgde med overgangen til dei nye kassane.
14.01.2018
Første karusellrennet under flotte forhold!
I dag vart det første skirennet i langrennskarusellen denne sesongen arrangert, og det stilte opp 46 løparar frå Rosendal TL, Omvikdalen IL, Halsnøy IL  og IL Ternen i tillegg til Uskedal IL som også var arrangør av rennet.  I tillegg deltok 27 barn i barneskirennet som vart arrangert i forkant av rennet.
Sponsorar
Auto 88
kvinnheringen
Spar
Uskedal Båtlag
Kvinnherad Vekstbedrift AS
Byggeriet
Stord Lufthamn
grenda
Kvinnherad Renhold service
Zjakk Frisørsalong
Elins Matgleder
Sparebank 1 SR bank ASA
Brødrene Hjønnevåg AS
Kvinnherad Energi AS
Kvinnherad Breiband
iDrift AS
Solheim Turiststajson
Kvinnherad Elektro
Uskedal Røyr og Multiservice
Gros Blomster
Kvinnherad Breiband
Utvikla av iDrift AS