Søk
 
Kontakt oss
Kontakt uskedalen.no:
Tips til redaksjonen
E-post: uskedalen.no
Thor Inge Døssland
Tlf nr:932 88 237
Kristian Bringedal
Tlf nr:915 31 487
Reidar Myklebust
Tlf nr:477 56 944
- - - - - - - - - - - - - - - - - - -
Kontakt Uskedal Utvikling
E-post
Kontonr: 1503 39 82329
Last ned giro
- - - - - - - - - - - - - - - - - -
Nettsider frå Uskedalen
Festidalen
Uskedal Idrettslag
Uskedal elveeigarlag
Aktivitetar i Uskedal

Den utrulege dugnadsgjengen!

06.08.2017
Klikk på bilete for full storleik
Kl.12 var dugnadsfolk i arbeid med alt frå nedrigging av scene, telt og elektrisk anlegg til bortkøyring av høy og høyballar.
 
Med fyrverkeriet kl.1 natt til søndag vart storfesten Festidalen avslutta.  Ein fantastisk fest frå ende til annan!  Det såg ikkje ut som regnveret sette nokon dempar på stemninga.  Ein enorm dugnadsinnsats frå over 340 registrerte friviljuge, og sikkert nokre uregistrerte, ligg bak, både før og etter festen.  Alt kl.9 søndag føremiddag var oppryddingsarbeidet godt i gong.
 
Klikk på bilete for full storleik
Kl.12 var det også matpause for ein del av dugnadsfolka.

Uskedalen.no har prøvd å følgja med på arbeidet med Festidalen siste veka.  Det er ikkje lett for det føregår på så mange 'frontar'.  Men vi er storleg imponert!  Det krev mykje å klargjera den koselege arenaen som det går gjetord om, og bygda elles!  Til tider har det krydd av gode dugnadsfolk på Dønhaug.  Mange har brukt ei ferieveke til dette!  Heilt fantastisk!  Organiseringa av arbeidet har vore imponerande og viser at det er godt med både erfaring og god planlegging. 

 

Ryddinga er ofte verste jobben.  Derfor var det ekstra stort å koma til Dønhaug kl.12 søndag i verste regnbyga og sjå at det var stor gjeng i gang med oppryddingsarbeid både på jordet og på campen.  Då eg kom inn i låven sat det jammen ein flokk der òg!  Dei hadde alt vore i sving nokre timar og trong  eit godt måltid mat!  Og då eg køyrde ned frå Dønhaug, trefte eg fleire bilar med nytt påfyll av gode dugnadsfolk.  Dette er så flott å sjå etter at så mange har jobba hardt med å gjera klart til og gjennomføra alle dei flotte arrangementa som er på Festidalen-programmet! 

 

Kl.17.30 tok eg turen oppom Dønhaug att.  Då var det gjort ein stor jobb.  Scenen var nede og i ferd med å verta lasta i traileren.  Mykje anna må også transporterast til ulike lagringsplassar.  Steinar Haugland var svært godt nøgd med jobben så langt.  Han sa at arbeidet hadde gått svært effektivt då mange har mykje rutine.  Sjølv om det hadde vore bra med folk, hadde det ikkje gjort noko om dei hadde vore fleire.

Sjølv om mykje alt er gjort, vert det heilt sikkert behov for folk til hjrelp dei næraste dagane.  Den som kan gjera ein innsats kan då ta kontakt med Steinar Haugland eller andre i Festidalen-leiinga.

 
 
Klikk på bilete for full storleik
Kl.17.30 var det reingjering av flakar og mykje anna før det skulle lagrast.
 
Kl.17.30 var mykje av scenen kome inn i traileren.
 

Eg håpar kvar og ein i dugnadsflokken, frå born til pensjonistar, fastbuande kvinnheringar og tilreisande, ja, absolutt alle, får høyra like mange positive tilbakemeldingar om den fantastiske festivalen som eg får.  Dette året har eg møtt mange som er her for første gong, og som veldig imponert over gjennomføring og organisering, den fantastiske arenaen og pyntinga elles, maten, og breidda i tilbodet med alle barneaktivitetar, føredragskroer, næringsseminar, Festitaren og turlagstilboda i tillegg til musikkarrangementa.

 

Bak alt dette ligg uteljelege dugnadstimar.  Nokre veit eg alt er i gang med arbeidet til Festidalen 2018.  Og eg veit eg vil sjå veldig, veldig mange av den flotte friviljugflokken att til neste år!

 

For meg er det ufatteleg at eit så stort arrangement er 100% dugnadsbasert slik Festidalen er!

 

Tekst, foto og nett:  Thor Inge Døssland.

 
 
 
 
 
  Tilbake

 
Lesarbilete
Notisar
22.10.2017
Festidalen støtta TV-aksjonen.
Festidalen har gjeve 10.000 kroner i støtte til TV-aksjonen i dag.  Innsamlinga går til UNICEF sitt arbeid for å gje barn i Syria, Colombia, Mali, Pakistan og Sør-Sudan skulgang.  I dag får  ikkje kvart 5. barn i desse landa gå på skule

tid
21.10.2017
Minikonsert søndag kl.14.
Vi minner om at det vert minikonsert med Husnes skulekorps og Uskedal skulemusikk søndag 22.oktober kl.14 i Aktivitetshuset.Velkomne!

tid
20.10.2017
Siste opningshelg for thaivogna.
Poon Tip`s Thai take-away melder at dette er siste åpningshelg denne sesongen. Dei minner om at dei har åpent fra kl.14.00 - 20.00, fredag til søndag. Alle er hjertelig velkommen.

tid
20.10.2017
Buss utover etter jazzen.
Laurdag er det ny jazzkveld i Dønhaugkjedlaren. Husnes jazzklubb er arrangør, og gitaristen Svein Richard Mathisen - Somebody`s Quartet spelar.  Dørene opnar kl.20, og vi minner om at det går nattbuss frå Uskedal sentrum til Husnes og vidare utover kl.01.15.

tid
19.10.2017
Fjordhestlaget inviterer til fagkveld med stjernekusk.
Kvinnherad Fjordhestlag inviterer til ein hyggelig og lærerik fagkveld fredag 27.okt. kl.19.00 i Malmanger skule.  Øivind Mikkelsen, ein av Noregs beste konkurransekuskar, vil  m.a. fortelje om hans veg frå hobbykusk til verdsmeister. Han vil óg snakke om korleis ein legg opp utdanning og trening av unge/utrente hestar fram mot konkurranse.    Dette vert ein kveld med fagleg påfyll som passer for alle hesteinteresserte!

tid
19.10.2017
Ingen tildelingar til Uskedalen under Hjartebank.
Det var ingen av Uskedals-prosjekta som var blant dei 8 prosjekta som vart tildelt midlar under det store Hjartebank-arrangementet som vart arrangert i Husneshallen onsdag kveld.  Millionen som vart delt ut vart fordelt på 8 lag, og storleiken var på 50 tusen(1), 100 tusen(2) og 150 tusen(5).  Dei er fordelt på strekninga Skånevik til Rosendal.  Det var også søkt til prosjekt her i bygda.Det var elles fullt hus med om lag 1000 publikummarar på det flotte gratisarrangementet i Husneshallen. Sparebanken Vest var arrangør.

tid
18.10.2017
Utvida husband på haustfesten.
På haustfesten laurdag vert det møte med eit utvida husband. Husbandet vil spela taffelmusikk i forkant av opninga kl. 19. Bandet vil stå for tonefylgje til allsongane. Med i gruppa er: Tore Nordahl Perdersen ( bass), Svein Rimestad (gitar), Reidar Myklebust ( gitar) og Kristian Bringedal (trekkspel).

kb
18.10.2017
Fortent ros på rim i Kvinnheringen.
Turid og Tor Lakselv som bur i eit av husa i Hagetunet, har gjeve ein fortent ros til alle som jobbar for GULL AV GRUS-prosjektet gjennom Kvinnheringen.  Den koselege rosen er til og med på rim og lyder slik:

Roses den som roses bør, det er nettopp det vi gjør.   
For i Uskedalen på idrettsbanen skjer det mykje nytt for tiden.   
Noen flinke karer, ei seg selv de sparer.  
For å glede store, små, dagens ros den skal de få.

Turid og Tor Lakselv

tid
18.10.2017
Norge tapte EM-kamp, og Harald N. Tangen fekk annulert målet sitt.
Harald Nilsen Tangen og G16-landslaget tapte første EM-kvalifiseringskamp mot Hellas 1-0.  Rapportane fortel at Norge kjørte over Hellas i heile 2.omgang, men fekk ikkje scoring.  Rett nok sette Harald Nilsen Tangen ballen i mål, men det vart uforståeleg avblåse for offside.Neste kamp og nye muligheter kjem mot Serbia på laurdag.

tid
18.10.2017
Send oss lesarbilde.
Vi oppfordrar lesarane våre til å senda oss bilde til lesarbildespalta vår.  Sidan oppstarten av spalta i januar 2015, har vi publisert over 500 bilde frå  44 fotografar.  No minkar det på bilde i samlemappa vår, så vi blir veldig glade om de sender oss bilde, gjerne med tittel, til uskedalen.no@gmail.com.   På førehand tusen takk!

tid
Siste Nyhende
23.10.2017
Daltrekk til haustfesten av Vidar Haugland.
Uskedal ungdomslag vart skipa i 1888, og lagsbladet Daltrekk har fulgt laget på lagsmøte og festar i alle fall frå 1902.  Særtrekk med Daltrekk, har vore trekk frå dalen presentert med humor og brodd.  Til haustfesten på laurdag var Vidar Haugland bladstyrar.  Det særs velskrivne nummeret er sjølvsagt skrive på nynorsk, med sirleg handskrift slik tradisjonen var, men Vidar sa det fram på dialekt frå talarstolen. 
23.10.2017
Leppefiske starta i dag etter ein mellombels stopp.
Jostein Legland er yrkesfiskar og driv leppefiske. Det har vore stopp i fiske sidan 1. oktober, men i dag er teinene på plass att i Storsund. Leppefiske for å bekjempa laskelus er eit omdiskutert fiske. Kristiske røyster hevdar at fiske forstørrar den økologiske balansen i sjøen. Legland er fiskar og held seg til at fiske er lovleg og underlagt restriksjonar.
22.10.2017
Tale på haustfesten på vegner av ordføraren.
På haustefesten til Uskedal ungdomslag 22.oktober skulle ordførar Peder Sjo Slettebø halda festtalen.  Då dagen kom, var orføraren sjuk og måtte derfor melda forfall.  På kort tid vart det ordna med stand-in.  Denne oppgåva løyste Bjarte Døssland på ein aldeles glitrande måte, og vi set stor pris på å få dela talen med lesarane våre:
22.10.2017
Mange Uskedalsbarn var med på innsamling.
Det var kjekt å registrera at mange foreldre hadde med seg barn og ungdom då dei var bøsseberarar under dagens innsamlingsaksjon.  Innsamlinga skal sikra at barn i Syria, Colombia, Pakistan, Sør-Sudan og Mali får gå på skule og såleis er med og sikrar dei ei framtid.  Det er heile 24 mill. barn som ikkje får gå på skule i verda pga krig og konfliktar.
22.10.2017
Unge musikantar imponerte.
Dei kunne nok tenkt seg fleire musikarar både i Husnes skulekorps og i Uskedal skulemusikk, men jammen er dei flinke dei musikarane dei har.  Det fekk vi eit tydeleg bevis på under minikonserten i Aktivitetshuset søndag ettemiddag.  Det var bra med publikum som fekk ei fin musikkstund.
21.10.2017
Mange høgdepunkt i haustfestprogrammet!
Haustfesten i Helgheim laurdag var bygd etter den faste leisten, men det betyr ikkje at det var kjedeleg.  Tvert i mot hadde vi inntrykk av at publikum storkosa seg.  Programmet var godt samansett, leia på framifrå måte og kvaliteten på innslaga var av høg standard.  Maten smakte godt, og til dansen spela Trinity, favorittband for mange.
21.10.2017
Gammal bryggekunst i meir enn 20 år.
I 1995 var første gongen dei som no er Humlepungen ølbryggjarlag, hadde  brygging.  Dei hadde då i lengre tid snakka om å starta opp, og hovudmålet var å ta vare på denne tradisjonen som hadde vore vanleg på gardane, og som då var i ferd med å døy ut.  Etter det har dei hatt minst to årlege bryggingar, og i dag var Humlepungane samla på Dønhaug for å sikra juleølet.
20.10.2017
Internasjonal kulturfest for fullsett sal.
Med eit rikt, godt og tankevekkjande kulturprogram, ein fullsett, festpynta sal og og eit rikhaldig internasjonalt matbord vart den internasjonale kulturfesten i Kulturhuset Husnes fredag ettermiddag ein suksess.  Publikum hadde sitt opphav frå mange ulike kulturar, og blant dei 250 var det ein fin mix av nordmenn og innvandrarar.
20.10.2017
Reisebrev frå Lina i India.
Soknepresten vår, Lina Håland, har no vore på reise i India i om lag 3 veker.  Sentralt i turen er besøk på Umred Children Home, barneheimen der famileien hennar har gjort ein stor innsats for oppbygging og drift.  Vi vart svært glade då Lina lova å senda oss reisebrev før ho reiste, og nedanfor kan de lesa om opplevingane hennar, og det kjem fleire bilete seinare.
Sponsorar
iDrift AS
Spar
Elins Matgleder
Kvinnherad Breiband
Gros Blomster
Auto 88
Zjakk Frisørsalong
Sparebank 1 SR bank ASA
Kvinnherad Vekstbedrift AS
Uskedal Båtlag
Smakifråoska
Byggeriet
Kvinnherad Energi AS
kvinnheringen
Uskedal Røyr og Multiservice
Stord Lufthamn
Brødrene Hjønnevåg AS
Solheim Turiststajson
Harding
grenda
Kvinnherad Elektro
Kvinnherad Renhold service
Kvinnherad Breiband
Utvikla av iDrift AS