 |
Ny prosjektering må til på Rabben |  | | Det er truleg likevel langt fram for opprusting av sanitæranlegget på Rabben. (Foto: Ola Matti Mathisen) |
| | |
Forvaltningskomiteen har oppheva byggjeforbodet i området slik at det no kan søkjast om tiltak. Men saksbehandlar Jon Harald Kjærland i kommunen rår til at Rabben Feriesenter startar ny prosjektering av påbygg til sanitærbygget.
Det er førebels ikkje sendt inn nok dokumentasjon til at kommunen kan ta stode til tiltaket. | | | Kjærland påpeikar mellom anna at ansvarleg søkjar sist var Arne Hjelmeland, Husnes som ikkje har sentral godkjenning som ansvarleg søkjar og kan heller ikkje rekne med godkjenning vidare. | | | Det må no sendast ny søknad gjennom eit firma som tek oppgåva som ansvarleg søkjar. Det må også sendast ny nabovarselkvittering sidan det er gått meir enn 3 år sidan siste nabovarsling. Tiltaket er heller ikkje nok prosjektert til å ivareta forskriftskrav for orienterings- og rørslehemma vedrørande sanitæranlegg. | | | Kjærland skriv også at det er planmessige utfordringar med omsyn til sol, lys, byggjehøgder og tilhøve til kommunal pumpestasjon og reinseanlegg. Dessutan er situajonsplanen mangelfull i høve til plassering. Sameksistens av utleigehytte over sanitæranlegg og pumpestasjon må utgreiast i høve til luft- og lydplager. | | | Brevet som Steinar Myklebust har sendt til kommunen utløyser ingen byggjesak. Myklebust må starta ein ny søknad om tiltak som kommunen deretter kan ta til handsaming. | | | Av Ola Matti Mathisen | | | | | | |
|
| |
 |
